Hansa-Brandenburg W.19: Duitse dubbeldekker vliegboot

Dié vliegtuig was ontwikkel uit die Hansa-Brandenburg W.12. Daar was slegs 54 eenhede van die vliegtuig gebou. Produksie het begin in November 1917 en die eerste eenhede was in Januarie 1918 in diens gestel. Die W-19 was ontwerp om langer in die lug te kan bly as die W-12. Dit vlerke was meer stomp en 2.60 m langer, die romp was 1.05 m langer, die stertvlerke was verbeter en dit was toegerus met 'n 240 perdekrag Maybach MbIV motor. Al die eenhede behalwe die eerste drie was toegerus met twee Spandaue masjiengewere en een was toegerus met 'n eksperimentele 20 mm Becker-kanon in die verkenner se kajuit. Die W.19 kon vir 5 ure in die lug bly en baie patrolliewerk saam met die Hansa-Brandenburg W.12 gedoen. Hulle het vooruitgegaan en die kleiner vliegtuig gaan haal indien enige teikens geidentifiseer is. Beide hierdie twee vliegtuie was gerespekteer deur die Britse Vloot langs die kus van Vlaandere en oor die Noordsee en het in diens gebly tot die vredesluiting in November 1918.

Hansa-Brandenburg W.19
Tipe	Veg-vliegboot
Vervaardiger	Hansa und Brandenburgische Flugzeug-Werke
Ontwerp deur	Ernst Heinkel
Nooiensvlug	1917
Aantal gebou	54
Ontwikkel van	Hansa-Brandenburg W.12

Die Hansa-Brandenburg W.27 was 'n variant wat toegerus was met 'n 195 perdekrag Bz.IIIb motor en was slegs geproduseer as 'n prototipe. Daar was ook twee W.32's voltooi wat toegerus was met Mercedes D.III motors en was gebruik vir opleiding.

• Lys van vegvliegtuie

• Fighters 1914-1919: Attack and Training Aircraft, Kenneth Munson, 2004, ISBN 978-0-753721-73-5