Han-Chinese

Hulle maak ongeveer 92% van die Volksrepubliek China se bevolking uit, 93% van Hongkong se bevolking, 92% van Macau se bevolking, 98% van die Republiek China op Taiwan se bevolking, 76,2% van Singapoer se bevolking, 24,5% van Maleisië se bevolking, 15% van Thailand se bevolking en omtrent 19% van die hele globale menslike bevolking wat hulle die grootste etniese groep in die wêreld maak. Die Han-Chinese word as 'n onderafdeling van die Chinese nasie (Zhonghua minzu) beskou. Hulle verwys soms na hulself as Yan Huang Zisun, wat die "seuns van (die god-keisers) Yan en Huang" beteken.

Han-Chinese
Totale bevolking:	ca. 1,310 miljard
Belangrike bevolkings  in:	Volksrepubliek China 1,240 miljard  Republiek van China 22 575 365  Thailand 9 349 900  Maleisië 6 960 000  Hongkong 6 593 410  Verenigde State 3 794 673  Indonesië 2 832 510  Singapoer 2 547 300  Mianmar 1 637 540  Kanada 1 487 580  Filippyne 1 350 000  Peru 1 300 000  Kambodja 1 180 000  Rusland 998 000  Suid-Korea 898 113  Australië 866 200  Viëtnam 823 070  Japan 655 377  Macau 433 641  Verenigde Koninkryk 433 150  Venezuela 400 000  Suid-Afrika 350 000  Italië 320 794  Frankryk 230 515  Duitsland 204 828  Spanje 197 214  Indië 189 470  Laos 185 765  Brasilië 151 649  Nieu-Seeland 147 510  Nederland 144 928  Panama 135 000  Kuba 114 240  Costa Rica ca. 40 000  Ierland 11 218  Kerseiland ~940
Taal:	hoofsaaklik Chinees (Mandaryns), daarbenewens Kantonees
Geloofsoortuiging:	Nie-godsdienstige, Chinese volksgodsdiens (insluitend Taoïsme, voorvaderaanbidding en ander), Mahayana-Boeddhisme, Christendom en ander gelowe.
Verwante etniese groepe:	Ander Sino-Tibettaanse volke soos Hui-Chinese.

In Chinees word tussen die Chinese as burgers van albei Chinese lande (Vereenvoudigde Chinees: 中國人 / Tradisionele Chinees: 中国人, Pinyin: Zhōngguórén, letterlik: "Mense uit die sentrale ryke") en die etniese Chinese (漢族人 / 汉族人, Hànzúrén of 漢人 / 汉人, Hànrén, "mens van die Han-volk") onderskei. Bykomend tot die Han-Chinese erken die Volksrepubliek China nog 55 en die Republiek China 14 verdere etniese groepe ("nasionaliteite") amptelik.

Elders in die wêreld woon 3 miljoen mense van Chinese afkoms in die Verenigde State (1% van die bevolking), meer as 1 miljoen in Kanada (3,7%), meer as 1,3 miljoen in Peru (4,3%), meer as 600 000 in Australië (3,5%), byna 150 000 in Nieu-Seeland (3,7%) en meer as 750 000 in Afrika, waaronder 350 000 in Suid-Afrika.

Die belangrikste ondergroepe sluit in:

• Chuanqing Min (Fuzhouese, Putianese, Hoklo, Teochew)
• Gan met hul taal Gan
• Hakka met hul taal Hakka
• Hunanese
• Kantonese (Taishanese) met hul taal Kantonees
• Min met hul taal Min
• Tanka (Fuzhou Tanka)
• Wu (Shanghainese) met hul taal Wu
• Xiang met hul taal Xiang

• (en) Yuan, Haiwang (30 Maart 2006). The Magic Lotus Lantern and Other Tales from the Han Chinese. Westport, Conn.: Libraries Unlimited. ISBN 978-1-59158-294-6. OCLC 65820295.

• Wiki Afrikaans  Wiki Commons het meer media in die kategorie Han-Chinese.
• (en) How the Han Chinese became the world's biggest tribe – People's Daily Online 16 September 2004
• (zh) Verspreiding van etniese groepe in China Geargiveer 1 Januarie 2016 op Wayback Machine