Groot Slawemeer
Die Groot Slawemeer (Engels: Great Slave Lake, Frans: Grand Lac des Esclaves) is die tiende grootste meer ter wêreld, die vyfde grootste meer in Noord-Amerika en die tweede grootste meer in Kanada, buite die Groot Mere, ná die Groot Beremeer.
| Groot Slawemeer | |
|---|---|
 Satellietbeeld van die Groot Slawemeer | |
 Kaart van die Groot Slawemeer | |
| Koördinate: | 61°40′N 114°00′W / 61.667°N 114.000°W 114°00′W / 61.667°N 114.000°W |
| Ligging: | Noordwestelike gebiede, Kanada |
| Soort: | Binnemeer |
| Oppervlakte: | 27 200 km² (10 502 myl²) |
| Gemiddelde diepte: | 41 meter (135 voet) |
| Maksimum diepte: | 614 meter (2 014 voet) |
| Volume: | 1 580 km³ (380 myl³) |
| Lengte: | 469 km (291 myl) |
| Breedte: | 203 km (126 myl) |
| Opvangsgebied: | 971 000 km² (374 905 myl²) |
| Omtrek: | 3 057 km (1 900 myl) |
| Invloei: | Hayrivier, Slawerivier |
| Uitvloei: | Mackenzierivier |
| Eiland/e: | 26 hoofeilande, totale oppervlakte 759,3 km² (293,2 myl²) |
| Nedersettings: | Yellowknife, Hay River, Behchoko, Fort Resolution, Lutselk'e, Hay River Reserve, Dettah, N'Dilo |
| Gevries: | November – mid-Junie |
Dit is in die Noordwestelike gebiede in die noorde van Kanada, suidoos van die Groot Beremeer geleë en het 'n oppervlakte van 27 200 km². Die Groot Slawemeer word deur die Mackenzierivier, wat in die westelike deel van die meer ontspring, met die Arktiese Oseaan verbind. Aan die noordelike oewer van die Groot Slawemeer is Yellowknife, die hoofstad van die Noordwestelike gebiede geleë.
Die Groot Slawemeer is nie na Slawe genoem nie; die naam is afgelei van die Slavey, 'n Eerste Nasie wat in die gebied gebly het. Die Indiaanse bevolking is in Engels vroeër Slave genoem, maar die naam is later na Slavey verander om 'n assosiasie met slawerny te vermy. Die naam van die meer is egter nie aangepas nie.
Verwysings
Eksterne skakels
- Wiki Afrikaans
Wiki Commons het meer media in die kategorie Groot Slawemeer. - (en) "Great Slave Lake". Encyclopædia Britannica. Besoek op 7 Augustus 2020.
- (en) "Great Slave Lake". The Canadian Encyclopedia. Besoek op 7 Augustus 2020.
This article uses material from the Wikipedia Afrikaans article Groot Slawemeer, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.