Groeihormoon
Die groeihormoon, of somatotropien, is ’n hormoon wat groei in die liggaam van ’n mens, dier of plant stimuleer.
Die menslike groeihormoon (afgekort as hGH of HGH, vir humane groeihormoon) het ’n direkte werking op selle in weefsel, maar beïnvloed net sekere soorte selle. Een van die funksies van die hormoon is die vervaardiging van insuliengelykende groeifaktor, oftewel IGF-1.
Die groeihormoon word nie gelykmatig vervaardig nie, maar in kort pieke. Dit vind plaas by liggaamsbewegings, stres en ná sowat twee uur slaap. In die geval van ’n tekort aan groeihormoon is daar sprake van ’n groeihormoongebrek. As te veel groeihormoon vervaardig word, kan gigantisme of (ná puberteit) akromegalie voorkom. Deurdat ’n mens se hande, voete en kake ná puberteit volgroei is, word dié siekte gekenmerk deur ’n toename in die grootte van hande en voete of ’n buitengewone groei van die kake.
Skakels
Hierdie artikel is in sy geheel of gedeeltelik uit die Nederlandse Wiki vertaal.
This article uses material from the Wikipedia Afrikaans article Groeihormoon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.