Goue Koningvis
Die Goue koningvis (Gnathanodon speciosus) is 'n vis wat aan die ooskus van Suid-Afrika voorkom vanaf Durban noordwaarts.
In Engels staan die vis as die Golden Kingfish bekend.
| Goue koningvis | |
|---|---|
 | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Suborde: | |
| Superfamilie: | |
| Familie: | |
| Genus: | Gnathanodon Bleeker, 1851 |
| Spesie: | G. speciosus |
| Binomiale naam | |
| Gnathanodon speciosus (Forsskål, 1775) | |
| Sinonieme | |
| Scomber speciosus Forsskål, 1775 | |
Voorkoms
Die goue koningvis is 'n stewige vis waarvan die kleur verander namate hy groter word. Wanneer hulle klein is, is hul kleur heldergeel, wat later verander om 'n soort silwer skynsel te verkry. Die volwassenes is silwer-goud op die sye en die pens is geel. Daar is vertikale strepe op die sye en die vinne is gelerig terwyl die anale vin byna goud van kleur is. Alhoewel enkele visse van 10 kg reeds gevang is weeg die gemiddelde vis tussen 0.5 en 5 kg.
Habitat en gewoontes
Die goue koningvis kom veral by riwwe voor. Die vis kan sy mond vorentoe verleng om 'n tuit te vorm wat besonder voordelig is wanneer van die bodem of van riwwe af gevoed word. Hulle vreet krappies, wurms, klein vissies en enige ander diertjies wat op die bodem rondbeweeg. Dit is 'n goeie eetvis.
Sien ook
Bron
- Top Angling Fishes of Southern Africa. Hennie Crous. 2010. ISBN 978-1-77007-403-3
- Sea Fishes of Southern Africa. Rudy van der Elst & Dennis King. 2006. ISBN 978-1-77007-345-6.
Eksterne skakel
- Gnathanodon speciosus by Fishbase.
This article uses material from the Wikipedia Afrikaans article Goue koningvis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.