Goudsaal-Bokvis
Die Goudsaal-bokvis (Parupeneus cyclostomus) is 'n vis wat in die westelike Stille Oseaan, die Indiese Oseaan, die Rooisee en aan die ooskus van Afrika suidwaarts tot by sentraal KwaZulu-Natal voorkom.
In Engels staan die vis bekend as die Goldsaddle goatfish.
| Goudsaal-bokvis | |
|---|---|
 | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Suborde: | |
| Familie: | |
| Genus: | Parupeneus |
| Spesie: | P. cyclostomus |
| Binomiale naam | |
| Parupeneus cyclostomus (Lacepède, 1801) | |
Identifikasie
Die vis word tot 50 cm lank en kom in twee kleure voor. In die eerste variasie is die vis geelgrys met blou merke op die skubbe wat dit 'n blouerige voorkoms gee. Daar is ook 'n prominente geel kol op die kieuedeksel. Die tweede variasie: die vis is eenvormig geel en die variasie word minder dikwels gesien. By beide variasies is daar blou strepe op die kop. Hulle leef in koraalriwwe en aangrensende rommelbodems in water wat 5 tot 100 m diep is.
Hulle vreet klein rifvissies; die vissies word uit hulle skuilings gejaag deur hulle baarde in die skuilings te druk. Dit is uniek vir bokvisse.
Sien ook
Eksterne skakel
Bron
- The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3
This article uses material from the Wikipedia Afrikaans article Goudsaal-bokvis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.