Golfleier
'n Golfleier is enige hol metaalsilinder wat gebruik word om elektromagnetiese golwe te lei.
Die golfleiers wat mees algemeen gebruik word het ronde of reghoekige deursnitareas en word van koper of aluminium vervaardig.
Golfleiers kan egter enige deursnitareavorm hê. Die elektromagnetiese veldpatrone sal egter verskil vir verskillend gevormde golfleiers, aangesien die randvoorwaardes daardeur gewysig word.
Indien 'n golfleiersilinder afgesluit word aan albei kante en met elektromagnetiese energie gevoer word, word die energie deur die kante van die golfleier weerkaats. Hierdie tipe opstelling word 'n golfleierholte genoem. Indien die elektromagnetiese energie op so 'n manier weerkaats dat 'n staande golfpatroon in die holte vorm, word dit 'n resonante holte genoem.
Die veldpatrone in verskillende tipes leë en homogeen gevulde golfleiers is al goed nagevors en geklassifiseer in reghoekige, vierkantige, ronde sowel as elliptiese geometrieë.
Verwysings
- T.V. Chow Ting Chan and H.C. Reader, "Understanding Microwave Heating Cavities", Artech House Inc., 2000.
This article uses material from the Wikipedia Afrikaans article Golfleier, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.