Golf Van Napels
Die Golf van Napels (Italiaans: Golfo di Napoli, Napolitaans: Gurfo 'e Napule) is 'n baai aan die weskus van Suid-Italië in die Italiaanse streek Kampanië.
| Golf van Napels | |
|---|---|
 Satellietbeeld van die Golf van Napels | |
 Kaart van die Golf van Napels | |
| Koördinate: | 40°44′7″N 14°16′31″O / 40.73528°N 14.27528°O 14°16′31″O / 40.73528°N 14.27528°O |
| Ligging: | Italië |
| Soort: | Golf van die Middellandse See |
| Oppervlakte: | 870 km² |
| Gemiddelde diepte: | 170 m |
| Lengte: | 15 km |
| Breedte: | 30 km |
| Uitvloei: | Tirreense See |
| Eiland/e: | Capri, Ischia, Procida |
| Nedersettings: | Napels |
Aan die Golf van Napels lê (kloksgewys van noordwes na suidoos) die ruïnes van die ou Romeinse stad Baiae, die stad Pozzuoli met die Campi Flegrei, die stad Napels, die vulkaan Vesuvius met die opgrawings van die Romeinse stede Pompeji en Herculaneum en uiteindelik die stede Torre del Greco en Castellammare di Stabia. Aan die suidoostekant word die Golf van Napels deur die skiereiland van Sorrento begrens.
Die Golf van Napels word min of meer 'verleng' deur drie eilande: Capri in die suide en Ischia en Procida in die noorde. Verdere eilande is Vivara ten suidweste van Procida en Nisida (by Pozzuoli). In die middel van die Golf van Napels is daar egter geen eilande nie. Een moontlike verklaring hiervoor is dat die hele Golf van Napels die krater (kaldera) van 'n supervulkaan kan wees.
Eksterne skakels
- Wiki Afrikaans
Wiki Commons het meer media in die kategorie Golf van Napels.
This article uses material from the Wikipedia Afrikaans article Golf van Napels, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.