Goggomobil

Goggomobil

Oorsig
Vervaardiger	Hans Glas GmbH (1955–1966) BMW (1966–1969)
Produksie	1955–30 Junie 1969
Bakwerk en onderstel
Klas	Mikromotor
Bakstyl	2-deursedan 2-deurkoepee 2-deur afslaankap wa bakkie roadster (Goggomobil Dart)
Uitleg	Agterenjin, agterwieldryf
Spesifikasies
Enjin(s)	Tweeslag inlyntweesilinder 245 cc 293 cc 392 cc
Ratkas	4-gang handrat
Lengte	2900 mm tot 3035 mm
Breedte	1260 mm
Hoogte	sedan: 1310 mm koepee: 1235 mm wa: 1695 mm
Asafstand	1800 mm

Glas het drie modelle op die Goggomobil platform geproduseer: die Goggomobil T sedan, die Goggomobil TS koepee, en die Goggomobil TL wa. Die enjin was 'n lugverkoelde, tweeslag, inlyntweesilindereenheid wat oorspronklik 245 cc verplaas het, maar later vergroot is na 293 cc en 392 cc. Dit het 'n elektriese pre-selektiewe oordragkas gehad, vervaardig deur Getrag, en 'n voetkoppelaar. Die enjin was agter die agterwiele gemonteer. Die vering was deur die aanwending van kronkelvere en swaaiasse rondom onafhanklik.

Altesaam 214 313 sedans, 66 511 koepees en 3 667 transportwaens en bakkies is van 1955 tot 1969 gebou.

Hans Glas GmbH is 'n voormalige Duitse motormaatskappy, wat in Dingolfing gebaseer was. Glas was oorspronklik 'n vervaardiger van plaasmasjinerie, en het ontwikkel tot 'n vervaardiger van bromponies en mettertyd ook motors. BMW het die firma in 1966 aangekoop, hoofsaaklik om toegang tot Glas se patente te verkry, aangesien hulle die eerste was om 'n tydreëlband te gebruik vir 'n oorhoofse nokas in 'n motoraanwending.