Gobabis: Stad in Namibië
Gobabis is 'n dorp in die ooste van Namibië en die hoofsetel van Omaheke met 'n geskatte inwonertal van 19,100.
Die burgemeester is Sila Bezuidenhoudt.
Gobabis | |
|---|---|
 Gobabis in 2005 | |
| Leuse(s): "Ex Oriente Lux" (Uit die Ooste verskyn daar lig) | |
  Gobabis | |
| Koördinate: 22°26′S 18°58′O / 22.433°S 18.967°O 18°58′O / 22.433°S 18.967°O | |
| Land |  Namibië |
| Streek | Omaheke |
| Stigting | 1856 |
| Regering | |
| • Burgemeester | Sila Bezuidenhoudt |
| Hoogte | 1 440 m (4 720 ft) |
| Bevolking | |
| • Totaal | 19 100 |
| Tydsone | UTC+2 (SAST) |
Ekonomie
Die voortgesette groei van Gobabis is hoofsaaklik te danke aan goedere wat vervoer word vanaf Botswana se myne na die Namibiese hawe van Walvisbaai, asook die invoer van verbruikersgoedere deur Namibië vanuit Gauteng in Suid-Afrika. Die vervoerroete wat bekend staan as die Trans-Kalahari-Grootpad, wat Namibië met Suid-Afrika en Mosambiek verbind, loop deur Gobabis in die rigting van Botswana. Gobabis is aan die Namibiese Spoorweë verbind. Die passasierstrein tussen Windhoek en Gobabis loop nie meer nie, iets wat deur die betrokkenes as jammerte beskou word. Die dorp het twee hospitale, klinieke, banke en winkelsentrums.
Die Legare-stadion is in die dorp geleë.
Onderwys
Gobabis is die tuiste van die Hoërskool Wennie du Plessis wat tot onafhanklikheid 'n Afrikaansmediumskool was. Toe die regering bepaal dat Engels leerders se onderrigtaal van gr. 4 af moet vervang, het dié skool noodwendig Engels geword. Afrikaanse ouers het daarom planne in werking gestel vir 'n privaatskool wat uitgeloop het op die opening van die Gobabis Gimnasium in Januarie 2000 met 67 leerders van gr. 8 tot 11 en ses onderwysers. In Januarie 2002 het 122 leerders aangemeld en op 2 Desember 2004 is die skool geregistreer om onderwys aan te bied van gr. 1 tot 12. Laerskoolonderwys het amptelik in Januarie 2005 begin. Hierdie skool bied egter net Afrikaansonderrig tot gr. 3, waarna die onderrigmedium Engels is.
Verwysings
Sien ook
Eksterne skakels
This article uses material from the Wikipedia Afrikaans article Gobabis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.