Giorgio Armani (gebore 11 Julie 1935) is 'n Italiaanse ontwerper.
Hy is veral bekend vir sy manspakke, wat baie gesog en peperduur is. Sy bekendste handelsmerke is "Giorgio Armani" en "Emporio Armani". Naas klere sluit sy sakeryk ook brille, horlosies, skoonheidsmiddels, parfuum en juwele in. Sy ontwerpe is bekend vir hul skoon, gestileerde lyne.
Giorgio Armani | |
---|---|
Gebore | 11 Julie 1935 Piacenza, Emilia-Romagna |
Nasionaliteit | Italië |
Beroep | Modeontwerper |
Bekend vir | Suksesvolste Italiaanse ontwerper |
Armani is in die Noord-Italiaanse dorpie Piacenza in Emilia-Romagna gebore. Hy studeer aanvanklik medisyne, maar verruil dit later vir fotografie. Hy begin sy maatskappy, Armani, in 1974. In 2001 is hy, met 'n jaarlikse omset van $1,691 triljoen, as die suksesvolste ontwerper wat Italië opgelewer het beskryf.
In 1996 is Armani saam met verskeie ander mode-ontwerpers van korrupsie aangekla. Hy herstel van die terugslag en word in 2002 tot Goodwill Ambassador vir die Verenigde Nasies se vlugteling-program benoem. In September 2003 is hy in Beverly Hills met die eerste Walk of Style Award vereer vir sy bydraes tot die mode en vermaaklikheidswêreld. 'n Plaket met sy naam daarop is tydens die geleentheid op die nuwe Rodeo Drive Walk of Style aangebring.
In 2016 onderneem hy om nie meer pelse van diere in sy modereekse te gebruik nie, maar om na sintetiese alternatiewe oor te skakel.
This article uses material from the Wikipedia Afrikaans article Giorgio Armani, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.