Gifstofmisbruik
Die misbruik van gifstowwe is die onoordeelkundige en onverantwoordelike gebruik daarvan is n probleem van redelike onlangse oorsprong.
Plante wat verbou word, is in baie gevalle onderhewig aan aanvalle deur verskillende diere, soos insekte. Dit is ook nodig om mens en dier te beskerm teen bloedsuigende en ander insekte. Die gebruik van spuitmiddels en stuifpoeiers is dus geregverdig om plant, dier en mens te beskerm. Gifstowwe vernietig egter nie net skadelike insekte nie, maar ook nuttige insekte soos heuningbye, hottentotsgotte, en so voorts. Die gifstowwe beland ook in die grond en water wanneer dit reën. Só word waterorganismes vergiftig. Gifstowwe soos DDT en Dieldrin bly baie lank in die weefsels van plante en diere omdat hulle so stadig ontbind. Gevolglik word hierdie gifstowwe opgeneem in voedselkettings waar die konsentrasies van die een trofiese vlak na die volgende vergroot, sodat dit vir organismes op hoër trofiese vlakke baie groot gevaar inhou. Dit is onbekend, maar tog baie onwaarskynlik, dat baie organismes op die hoër trofiese vlakke reeds vrek omdat hulle gifstowwe op hierdie manier inkry. Spore van DDT is al gevind in die seewater by die pole, in moedersmelk, in goedgekeurde vleis en in gesuiwerde water.
Die grootste gevaar verbonde aan die onoordeelkundige gebruik van gifstowwe is egter die moontlike vernietiging van alle vorme van biologiese beheer.
Bronne
- Senior Biologie, Du Toit, Van Rensburg, Du Toit, Botha, Van der Merwe, Volschenk, Van der Westhuyzen, De Kock, Niebuhr. Nasionale Opvoedkundige Uitgewery Beperk, 1989.
This article uses material from the Wikipedia Afrikaans article Gifstofmisbruik, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.