Gevlekte Muisvoël
Die gevlekte muisvoël (Colius striatus) is 'n lid van die muisvoëlfamilie, wat slegs in Afrika aangetref word.
Dit is die grootste eksemplaar van die spesie, sowel as die mees algemene. Hulle word gewoonlik in swerms van 12 of meer gesien en snags koek hulle saam, vermoedelik om hul liggaamshitte te behou. Broeityd is in die somer en die nes is 'n slordige kelk bestaande uit takkies wat in 'n boom of struik geplaas is. Drie of vier eiers word gelê.
| Gevlekte muisvoël | |
|---|---|
 | |
| 'n Muisvoël in Kenia | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | Colius |
| Spesie: | C. striatus |
| Binomiale naam | |
| Colius striatus (Gmelin, 1789) | |
Beskrywing
Die voël is sowat 35 cm lank en sy stert maak sowat die helfte van sy lengte uit. Dit weeg sowat 57 gram en het ’n prominente kuif. Sy naam kom van sy vaalbruin tot muisgrys kleur. Die snawel is swart bo-op en pienkerig aan die onderkant.
Hoewel die gevlekte muisvoël raserig kan wees, is hy nie bekend vir sy stem nie. Hulle het ’n tsoe-tsoe-roep terwyl hulle vlieg en ’n tisk-tisk-waarskuwingsroep.
Habitat
Die voëls kom voor van Kameroen ooswaarts na Eritrea en Ethiopië, en suidwaarts deur Oos-Afrika tot in die suidelike dele van Suid-Afrika. Die meeste habitats is vir hulle geskik, buiten die reënwoude en baie droë gebiede. Hulle verkies oop bosveldstreke en kom algemeen voor in savannes en oop woudlande. Hulle word ook dikwels in stedelike gebiede in tuine en boorde gesien.
Ekologie
Die gevlekte muisvoël is ’n vrugtevreter en leef hoofsaaklik van bessies en ander vrugte, blare, sade en nektar, en kies sy kos versigtig van gebied tot gebied.
Hulle is sosiale voëls wat saam eet en mekaar se vere versorg. Hulle volg mekaar dikwels van boom tot boom in ’n soort "volg-die-leier"-spel. Snags sit groepe van 20 of so elk dig opmekaar en op koue nagte kan hulle bewegingloos bly sit. Hulle word dan maklike prooi, maar hul getalle maak dikwels dat hulle veilig bly.
Broeigewoontes
Die voëls broei enige tyd van die jaar. Die neste is groot in vergelyking met die voël en onnet. Dit word gemaak van plant- en dieremateriaal en sluit soms papier of stukkies lap in. Die mannetjie en wyfie bou saam daaraan. Die wyfie lê van een tot sewe eiers, maar gewoonlik drie tot vier. Die klein voëltjies word deur albei geslagte versorg, en soms ook deur ouer voëls uit vorige broeisels. Die eiers broei ná 14 dae uit en die klein voëltjies verlaat die nes vir die eerste keer wanneer hulle 17 tot 18 dae oud is. Ná net meer as ’n maand begin hulle self kos soek.
Verwysings
Sien ook
Eksterne skakels
- Speckled mousebird - Teks oor spesies in The Atlas of Southern African Birds
- Wiki Afrikaans
Wiki Commons het meer media in die kategorie Gevlekte muisvoël.
- Wiki Afrikaans
Wikispecies het meer inligting verwant aan Gevlekte muisvoël 
Gedeeltelik vertaal uit die Engelse Wiki
This article uses material from the Wikipedia Afrikaans article Gevlekte muisvoël, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.