Gereformeerde Kerk Paarl
Die Gereformeerde kerk Paarl is die sewende oudste van die 20 gemeentes in die GKSA se Klassis Boland.
| Gereformeerde Kerk Paarl | ||
 | ||
| Sluit in | Franschhoek Hermon Malmesbury Moorreesburg Piketberg Porterville Riebeek-Kasteel Riebeek-Wes Saron Tulbagh Wellington | |
| Denominasie | Gereformeerde Kerk | |
| Klassis | Klassis Boland | |
| Huidige predikant(e) | B.A. (Banie) van der Walt | |
| Belydende lidmate | 147 | |
| Dooplidmate | 34 | |
| Adres | Stirlingstraat Paarl | |
| Geskiedenis | ||
| Stigtingsdatum | 23 April 1963 | |
| Afgestig van | Worcester | |
| Eerste predikant | J.L.J. Snyamn (1956–'58) | |
Die gemeente se middelpunt is op die Bolandse dorp Paarl, maar omdat Gereformeerde kerke in dié geweste dun gesaai is, sluit die gemeentegrense ook die dorpe Franschhoek, Hermon, Klapmuts, Malmesbury, Moorreesburg, Piketberg, Porterville, Riebeek-Kasteel, Riebeek-Wes, Saron, Tulbagh en Wellington in. In 1997 was hier 163 belydende en 88 dooplidmate en einde 2015 onderskeidelik 128 en 19. 'n Jaar later het die belydende lidmate met ses afgeneem tot 122, maar die dooplidmate met drie toegeneem tot 22.
Twee wyke van die Gereformeerde kerk Kaapstad het in November 1954 afgestig as die Gereformeerde kerk Worcester-Paarl. Aan die begin is eredienste een maal per maand op ’n Sondagmiddag in die Paarl gehou. Met ’n druiwestalletjie op die Druiwefees van 1954 is reeds begin met die geldinsameling vir ’n eie gebou. Op 23 April 1963 het Paarl en Worcester dan twee afsonderlike gemeentes geword met die Paarl se afstigting.
In die Paarl het die gemeente ’n erf bekom en het hulle met argitekte onderhandel oor die ontwerp van ’n kerkgebou. Die tender wat die kerkraad aanvaar het, het R26 640 beloop. Die hoeksteen is op 7 Desember 1963 gelê en enkele maande later is dié kerkgebou in gebruik geneem.
Predikante
- Snyman, Johannes Lodewikus Jakobus, 1956 – 1958
- Lessing, Johannes Christiaan, 1958 – 1960
- Linde, Philippus Jacobus Wilhelmus, 1961 – 1966 (in kombinasie met Worcester)
- Coetzee, dr. Johannes Christiaan, 1968 – 1970
- Dijkstra, Hessel, 1971 – 1975 (in kombinasie met Stellenbosch)
- Kruger, Jan Adriaan, 1975 – 1979
- Ten Haaf, Wouter, 1979 – 1982 (in kombinasie met Vredenburg-Saldanha)
- Hendricks, Marthinus Petrus, 1983 – 2004 (van 1983–1985 in kombinasie met Vredenburg/Saldanha)
- Janse van Rensburg, Karel Anton, 2005 – 2014 (aanvaar sy emeritaat)
- Van der Walt, B.A. (Banie), 2016 – hede
Bronne
- (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
- (af) Schalekamp, ds. M.E. (voorsitter: redaksiekommissie). 2001. Die Almanak van die Gereformeerde Kerke in Suid-Afrika vir die jaar 2002. Potchefstroom: Administratiewe Buro.
- (af) Van der Walt, dr. S.J. (voorsitter: deputate almanak). 1997. Die Almanak van die Gereformeerde Kerke in Suid-Afrika vir die jaar 1998. Potchefstroom: Administratiewe Buro.
- (af) Venter, ds. A.A. (hoofred.) 1960. Almanak van die Gereformeerde Kerk in Suid-Afrika vir die jaar 1961. Potchefstroom: Administratiewe Buro.
- (af) Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.
- (af) Vogel, Willem (red.). 2015. Die Almanak van die Gereformeerde Kerke in Suid-Afrika vir die jaar 2016. Potchefstroom: Administratiewe Buro.
This article uses material from the Wikipedia Afrikaans article Gereformeerde kerk Paarl, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.