Die Gereformeerde kerk Oranjerivier is die jongste van die twee gemeentes van die GKSA wat op die Noord-Kaapse dorpie Orania gestig is.
Die ander, Gereformeerde kerk Orania, is in 2002 gestig, maar het die kerkverband later verlaat.
Gereformeerde Kerk Oranjerivier | ||
Sluit in | Orania en omgewing | |
Denominasie | Gereformeerde Kerk | |
Klassis | Burgersdorp | |
Huidige predikant(e) | Ronald Bain | |
Belydende lidmate | 76 | |
Dooplidmate | 29 | |
Adres | Sysaal van Gemeenskapsaal Orania | |
Geskiedenis | ||
Stigtingsdatum | 22 Mei 2005 | |
Afgestig van | Kimberley | |
Eerste predikant | H.W. Schutte 2007–2010 |
Lidmate in die omgewing van Orania het eers onder die Gereformeerde kerk Strydenburg en toe onder die Gereformeerde kerk Philipstown geressorteer. Eersgenoemde het in 2014 ontbind toe daar net 13 belydende en drie dooplidmate oorgebly het terwyl laasgenoemde in 2016 die kleinste gemeente in die Klassis Burgersdorp was met 18 belydende maar geen dooplidmate nie. Op Orania is ’n Gereformeerdekerkkommissie gestig tussen die Gereformeerde, Nederduitse Gereformeerde en Hervormde Kerk. Hierdie kommissie het gereël dat elke kerkverband afwissel vir die eredienste verantwoordelik was. Later het Orania ’n wyk van die Gereformeerde kerk Kimberley geword. Op 22 Mei 2005 het die Gereformeerdes op Orania wat nie tot die Gereformeerde kerk Orania behoort het nie, afgestig as die Gereformeerde kerk Oranjerivier.
Nes die gemeente Orania het Oranjerivier nie ’n eie kerkgebou nie, maar hou eredienste in die plaaslike gemeenskapsentrum. Oranjerivier se belydende lidmate het van 2011 tot 2015 toegeneem van 23 tot 42 en die dooplidmate van 11 tot 23, terwyl Orania se belydende lidmate toegeneem het van 24 tot 26, maar die dooplidmate afgeneem het ses tot vyf.
This article uses material from the Wikipedia Afrikaans article Gereformeerde kerk Oranjerivier, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.