Gereformeerde Kerk Ermelo

Einde 2015, toe hier 109 belydende en 15 dooplidmate was, was dit die vyfde kleinste gemeente in dié Klassis. Einde 2001 was die getalle onderskeidelik 219 en 113, ’n afname van amper 63 persent binne 14 jaar.

Gereformeerde Kerk Ermelo
Sluit in	Ermelo
Klassis	Piet Retief
Huidige predikant(e)	Dr. Kobus Erasmus
In kombinasie met	Volksrust
Belydende lidmate	92
Dooplidmate	15
Adres	Kleijnhansstraat 18 (h.v. Jacobz- en (Kleijnhansstraat) Ermelo
Geskiedenis
Stigtingsdatum	30 Oktober 1915
Afgestig van	Piet Retief
Eerste predikant	J.V. Coetzee 1916–1918

Reeds in 1913 is erwe op Ermelo aangekoop met die doel om ’n kerkgebou vir Gereformeerdes hier op te rig. Die geld is verkry uit die verkoop van die plaas Zandbank in die distrik Piet Retief wat behoort het aan Gereformeerdes op Ermelo en is verkoop teen £2 per morg, hoewel die bron nie sê hoe groot die plaas was nie. Die Gereformeerde kerk Ermelo is op 30 Oktober 1915 afgestig, waarskynlik van die Gereformeerde kerk Piet Retief. ’n Jaar later het die bouer A. Pienaar die kerkgebou opgerig teen ’n koste van £1 079, terwyl die hoeksteen gelê is op 6 Mei daardie jaar.

Hierdie gebou, wat sitplek gebied het aan 200 kerkgangers, het in sy oorspronklike vorm as kerk gedien tot 1965, toe die suidoostelike vleuel aangebou is om sitplek aan nog 150 kerkgangers te bied, want reeds in 1960 het die gemeente se sieletal sowat 300 getel. In 1989 is ’n saal aangehou wat ’n eenheid met die kerkgebou vorm.

1. Malan, Christian Ernst Gerhardus, 1936 – 1943 (in kombinasie met Carolina)
2. Venter, Jurie Johannes Stefanus, 1943 – 1945 (in kombinasie)
3. Scheepers, Gideon Petrus, 1948 – 1952 (in kombinasie met Carolina en Barberton)
4. Van der Walt, Gert Louis, 1953 – 1955
5. Ligthelm, Johan, 1958 – 1966
6. Smit, Cornelius Hermanus, 1966 – 1990 (aanvaar sy emeritaat)
7. Meijer, dr. Gerard Johannes, 1990 – 1998
8. Van Schaik, Johannes, 1999 – 2005
9. Booyens, Daniël Jan Andries, 2006 – 2009

• (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
• (af) Schalekamp, ds. M.E. (voorsitter: redaksiekommissie). 2001. Die Almanak van die Gereformeerde Kerke in Suid-Afrika vir die jaar 2002. Potchefstroom: Administratiewe Buro.
• (af) Van der Walt, dr. S.J. (voorsitter: deputate almanak). 1997. Die Almanak van die Gereformeerde Kerke in Suid-Afrika vir die jaar 1998. Potchefstroom: Administratiewe Buro.
• (af) Venter, ds. A.A. (hoofred.) 1960. Almanak van die Gereformeerde Kerk in Suid-Afrika vir die jaar 1961. Potchefstroom: Administratiewe Buro.
• (af) Vogel, Willem (red.). 2015. Die Almanak van die Gereformeerde Kerke in Suid-Afrika vir die jaar 2016. Potchefstroom: Administratiewe Buro.