Gereformeerde Kerk Cullinan
Die Gereformeerde kerk Cullinan is die sesde oudste van die 11 gemeentes in die GKSA se Klassis Oostelike Pretoria en in 2015, toe hier 171 belydende en 41 dooplidmate was, die vyfde kleinste.
| Gereformeerde Kerk Cullinan | ||
 | ||
| Sluit in | Boskop Brandbach Bynespoort Cullinan De Tweedespruit Doornkraal Donkerhoek Elandshoek Kaalfontein Kafferskraal Kleinfontein Krokodilspruit Lewzene Nooitgedacht Rayton Rietfontein Rooikoppies Tweefontein Vaalbank Zachsedam Zonderwater Zonkololo | |
| Klassis | Oostelike Pretoria | |
| Huidige predikant(e) | vakant | |
| Belydende lidmate | 91 | |
| Dooplidmate | 21 | |
| Adres | R515, tussen Rayton en Cullinan | |
| Geskiedenis | ||
| Stigtingsdatum | 10 September 1966 | |
| Afgestig van | Bronkhorstspruit | |
| Eerste predikant | N. Droomer (1973–1983) | |
Die Gereformeerde kerk op Cullinan is op 10 September 1966 van die Gereformeerde kerk Bronkhorstspruit afgestig. Aan die begin het die gemeente uit agt wyke bestaan en is eredienste in die Presbiteriaanse kerk, toe die skoolsaal en later die Voortrekkersaal gehou. Eindelik het die gemeente 6 morg kerkgrond teen R112,50 per morg van die Zonderwater-gevangenis aangekoop. Eers is net ’n kerksaal gebou wat op 26 Julie 1970 in gebruik geneem is. Die koste was R21 000 en dr. B.R. Kruger het die hoeksteen op 2 Mei 1970 gelê.
Die eerste orrel is geskenk deur die moedergemeente en is later vang deur ’n unieke pyporreltjie, wat nie eens voetnote het nie en moontlik die kleinste in die kerkverband is. Later is die saal in ’n kerk omskep met die aanbou van die vleuels en moederskamer.
Die gemeente se eerste pastorie was ’n huis wat iemand gratis aan die gemeente beskikbaargestel het. Eindelik het die gemeente ’n ruim en doeltreffende pastorie laat bou teen ’n koste van sowat R30 000. Die katkisasielokale, wat bestaan ’n klaskamers en ’n saal, het die lidmate self gebou op ’n deel van die terrein van die ou Italiaanse krygsgevangekamp.
Predikante
- Droomer, Nardus, 1973 – 1983
- Bogaards, dr. Arie Hendrik, 1984 – 1986,
- Van der Walt, Marthinus Johannes, 1987 – 1988
- Aucamp, Lourens Daniël, 1989 – 2005 (aanvaar sy emeritaat)
- Oosthuizen, Ockert Almero, 2005 – 2009
- Niemann, Gerhardus Johannes, 2010 – hede
Bronne
- (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
- (af) Schalekamp, ds. M.E. (voorsitter: redaksiekommissie). 2001. Die Almanak van die Gereformeerde Kerke in Suid-Afrika vir die jaar 2002. Potchefstroom: Administratiewe Buro.
- (af) Van der Walt, dr. S.J. (voorsitter: deputate almanak). 1997. Die Almanak van die Gereformeerde Kerke in Suid-Afrika vir die jaar 1998. Potchefstroom: Administratiewe Buro.
- (af) Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.
- (af) Vogel, Willem (red.). 2015. Die Almanak van die Gereformeerde Kerke in Suid-Afrika vir die jaar 2016. Potchefstroom: Administratiewe Buro.
Sien ook
This article uses material from the Wikipedia Afrikaans article Gereformeerde kerk Cullinan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.