Gereformeerde Kerk Barberton
Die Gereformeerde kerk Barberton is ’n gemeente van die GKSA met sy middelpunt op die dorp Barberton in Mpumalanga, maar dit sluit ook omliggende nedersettings soos Kaapmuiden in asook die sentraal-westelike deel van eSwatini.
| Gereformeerde Kerk Barberton | ||
 | ||
| Sluit in | Bulembu De Kaapvallei Diepgezet Havelock Jacobsdal Kaapmuiden Low's Creek Nelshoogte Sentraal-Wes-Eswatini | |
| Klassis | Lydenburg | |
| Huidige predikant(e) | Thys Lourens Thys Erasmus | |
| In kombinasie met | Nelspruit | |
| Belydende lidmate | 49 | |
| Dooplidmate | 9 | |
| Adres | Stanleystraat 1 Barberton | |
| Geskiedenis | ||
| Stigtingsdatum | 1945 | |
| Afgestig van | Carolina | |
| Eerste predikant | G.P. Scheepers 1948–1952 | |
Barberton het in 1945 met 17 belydende en 17 dooplidmate van die Gereformeerde kerk Carolina afgestig. Einde 2015 was hier 14 dooplidmate (drie minder as 'n jaar vantevore), maar die belydende lidmate het op 65 gestaan (drie meer as 'n jaar vantevore), nadat dit einde 1997 onderskeidelik 79 en 143 was.
Aan die begin het lidmate in ’n saal op die gevangenisterrein, in die hofsaal, in die landdros se woonhuis en in die NG gemeente se kerksaal vir eredienste bymekaargekom.
Net vier jaar ná afstigting kon die gemeente ’n kerkgebou oprig en in gebruik geneem. Omdat die lidmaattal destyds mooi toegeneem is, is dié gebou later vergroot. Danksy die tweede vergroting, in die jare 1970, bied dit nou sitplek aan 250 kerkgangers. Daar is ’n besonder mooi pyporrel in die kerk. Dié gebou se koste is deur die vrouelidmate gedra, wat geld ingesamel het met die bak en verkoop van koeksisters en melkterte.
Eredienste vind elke Sondag om 9 uur plaas in die kerkgebou te Stanleystraat 1.
Predikante
- Scheepers, Gideon Petrus, 1948 – 1952
- Van der Walt, Jan Hendrik, 1963 – 1969
- Van der Walt, Louis Jacobus, 1969 – 1975
- Denkema, Francois, 1975 – 1981 (in kombinasie met Komatipoort)
- Venter, Zacharias Christiaan, 1981 – 1989
- Krüger, dr. Abraham Jacobus, 1989 – 2002
- Kruger, Christiaan, 2002 – 2007 (bedieningsooreenkoms met Nelspruit)
- Smit, Erasmus Johannes, 2002 – 2007 (bedieningsooreenkoms met Nelspruit)
- Lessing, Francois Jacobus Du Toit, 2007 – 2012 (deeltyds, afgetrede bedienaar)
- Erasmus, Matthys Jacobus, 2013 – hede (in kombinasie met Nelspruit)
- Lourens, Thys, 2018 – hede (in kombinasie met Nelspruit)
Bronne
- (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
- (af) Van der Walt, dr. S.J. (voorsitter: deputate almanak). 1997. Die Almanak van die Gereformeerde Kerke in Suid-Afrika vir die jaar 1998. Potchefstroom: Administratiewe Buro.
- (af) Venter, ds. A.A. (hoofred.) 1957. Almanak van die Gereformeerde Kerk in Suid-Afrika vir die jaar 1958. Potchefstroom: Administratiewe Buro.
- (af) Venter, ds. A.A. (hoofred.) 1958. Almanak van die Gereformeerde Kerk in Suid-Afrika vir die jaar 1959. Potchefstroom: Administratiewe Buro.
- (af) Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.
- (af) Vogel, Willem (red.). 2015. Die Almanak van die Gereformeerde Kerke in Suid-Afrika vir die jaar 2016. Potchefstroom: Administratiewe Buro.
Sien ook
This article uses material from the Wikipedia Afrikaans article Gereformeerde kerk Barberton, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.