Genadendal

Dit is amper anderhalf uur van die Kaap af op die platteland in die Overbergstreek.

Genadendal
Dorp
Morawiese Sendinggenootskap in Genadendal
Genadendal  Genadendal se ligging in Wes-Kaap
Koördinate: 34°02′S 19°33′O / 34.033°S 19.550°O / -34.033; 19.550 19°33′O / 34.033°S 19.550°O / -34.033; 19.550
Land	Suid-Afrika
Provinsie	Wes-Kaap
Distrik	Overberg
Munisipaliteit	Theewaterskloof
Stigting	1738
Oppervlak
• Totaal	3,97 km2 (1,53 vk. myl)
Bevolking  (2011)
• Totaal	5 663
• Digtheid	1 426/km2 (3 690/vk. myl)
Rasverdeling (2011)
• Wit mense	0,5%
• Indiërs/Asiërs	0,3%
• Bruin mense	94,0%
• Swart mense	3,1%
• Ander	2,1%
Taal (2011)
• Afrikaans	94,5%
• Engels	3,1%
• Ander	2.0%

 

 

 

Genadendal was die eerste sendingstasie in suidelike Afrika. Die Duitse sendeling Georg Schmidt is in 1737 deur die Morawiese Sendinggenootskap gestuur om die evangelie aan die Khoikhoi te verkondig. Genadendal is in 1738 gestig nadat Schmidt hom op 23 April 1738 in die Baviaanskloof gevestig het soos die dorp eers bekend was. In 1806 is die naam verander na Genadendal.

Die inwyding van die eerste kerkgebou het op Wit-Donderdag 1796 plaasgevind. Hierdie kerkgebou was van die begin af te klein. Die inwyding van die nuwe kerk was op 18 Januarie 1800. Aangesien die kerkgebou later bouvallig begin raak het, is besluit om 'n nuwe en groter kerk, wat 1400 mense sou kon huisves, op te rig. Op 12 Oktober 1891 is die hoeksteen van die nuwe kerk op die gebruiklike wyse gelê. Ná anderhalf jaar is die bouwerk voltooi en op 14 Maart 1893 is 'n aandseën gehou.

In 1831 is 'n skool gebou. In 1837 is die eerste opleidingskool vir onderwys in die hele Suid-Afrika op Genadendal begin. Dieselfde gebou huisves vandag die Morawiese Sendingsmuseum.

In 1859 is 'n drukkery gestig, waar die eerste uitgawe van "De Bode van Genadenthal" in 1860 gedruk en uitgegee is. In 1861 is ook nog die "Kindervriend" uitgegee.

Die Morawiese Sendingsmuseum en die historiese kerkplein is op die werf. Nelson Mandela het die woning van die Suid-Afrikaanse president in Kaapstad in 1995 van Westbrooke na Genadendal herdoop. Op 10 Oktober 1995 het president Mandela Genadendal besoek.

Genadendal is die begin- en die eindpunt van 'n staproete wat oor twee dae strek. Die eerste dag begin op die werf en loop oor 14,3 km na Robertson toe. Op Robertson word oorgeslaap. Die terugtog is oor 11 km weer Genadendal toe. Stappers kan oor die vallei van Riviersonderend en oor die Klein Karoo uitkyk.

• Lys van dorpe in Suid-Afrika

• (en) Moravian Mission Museum Geargiveer 19 Augustus 2006 op Wayback Machine
• Dorpe van die Overberg: Genadendal^{[dooie skakel]}
• (en) Genadendal hiking trail Geargiveer 18 Desember 2007 op Wayback Machine
• Genadendal Geargiveer 16 Junie 2009 op Wayback Machine
• Genadendal Geargiveer 10 Oktober 2006 op Wayback Machine op Oppad^{[dooie skakel]}