Gay Pride-Vlag Van Suid-Afrika
Die Gay Pride-vlag van Suid-Afrika is ’n LGBTI-simbool wat ten doel het om die vryheid en uiteenlopendheid van die Suid-Afrikaanse nasie te weerspieël en trots in die land se LGBTI-gemeenskap aan te wakker.
Dit is in 2012 as die vlag van die GLBTI Assosiasie van Suid-Afrika geregistreer en is nie amptelik ’n nasionale simbool van Suid-Afrika nie.
 | |
| Verhouding | 2:3 |
|---|---|
| Goedgekeur | 2010 (bekendgestel) 2012 (geregistreer) |
| Ontwerp | Reghoekige vlag wat horisontaal in ses ewe groot bane van rooi, oranje, geel, groen, blou en pers verdeel is, met die swart buitelyn van ’n driehoek en die wit buitelyn van ’n gaffel |
| Ontwerp deur | Eugene Brockman |
Geskiedenis
.jpg)
Die vlag is deur Eugene Brockman ontwerp en is ’n kombinasie van die reënboogvlag en die vlag van Suid-Afrika.
Die voorgestelde doel van die vlag is onder meer om selfdegeslaghuwelike in die land te vier en probleme soos diskriminasie, homofobie en korrektiewe verkragting te pak.
Die vlag is op 18 Desember 2010 bekendgestel op die Mother City Queer Project-kostuumparty, wat jaarliks gehou word en dié jaar by die nuwe Kaapstad-stadion plaasgevind het. Dit is op 20 Julie 2012 by die Suid-Afrikaanse Buro vir Heraldiek geregistreer as ’n vlag van die GLBTI Assosiasie van Suid-Afrika.
Dit is nie per se ’n amptelike simbool nie en nie noodwendig die Suid-Afrikaanse weergawe van die LGBT-reënboogvlag nie.
Sien ook
Verwysings
Eksterne skakels
- Wiki Afrikaans
Wiki Commons het meer media in die kategorie Gay Pride-vlag van Suid-Afrika.
This article uses material from the Wikipedia Afrikaans article Gay Pride-vlag van Suid-Afrika, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.