Fritz Reiner

Fritz Reiner studeer aan die Franz Liszt Muziekakademie in sy geboortestad. Vir sy hoofvak, klavier, ontvang hy onder andere lesse van Béla Bartók. Hy begin sy jong loopbaan as protegé van die komponis Richard Strauss, self 'n vooraanstaande dirigent. Vanaf 1909 was hy koorrepetiteur aan die opera van Boedapest. In 1912 word hy hoofdirigent van die Opera van Dresden, te wete die tuisbasis van die Staatskapelle Dresden. Reiner werk mee aan die verspreiding van Strauss se opera's. Reiner emigreer in 1921 na die Verenigde State waar hy dirigent word van die Cincinnati Simfonieorkes. In 1922 dirigeer hy die Amerikaanse première van Die Frau ohne Schatten. In 1931 word hy dosent aan die Curtis Institute of Music in Philadelphia, Pennsylvanië. Tot sy studente behoort Leonard Bernstein, Lukas Foss en Nino Rota. Van 1938 tot 1948 was hy hoofdirigent van die Pittsburgh Simfonieorkes gewees. Saam met Serge Koussevitsky gee hy opdrag aan Bartók vir 'n nuwe komposisie (Konsert vir orkes (1943) ). Reiner maak in 1949 sy buiging aan die Metropolitan Opera te New York Stad met Salomé van Richard Strauss. Van 1953 tot sy dood in 1963 was hy hoofdirigent van die Chicago Simfonieorkes gewees. Hy het reeds in 1954 stereo opnames saam met die orkes gemaak vir RCA Records.

Reiner is bekend vir sy outokratiese en streng werkswyse. Hy is 'n gesaghebbende figuur wat die musiek van Strauss, Bartók en Strawinski betref, en was ook 'n voorvegter van hedendaagse musiek.

Hierdie artikel is in sy geheel of gedeeltelik vanuit die Nederlandse Wiki vertaal.