Freetown, Sierra Leone
Freetown is die hoofstad en grootste stad van Sierra Leone met 'n bevolking van 1 070 200 in 2006 en 'n oppervlakte van 357 km².
Die burgemeester is Yvonne Aki-Sawyerr. Die stad is 'n hawe aan die Atlantiese Oseaan en sy ekonomiese ontwikkeling draai grootliks daarom. Belangrik is die verpakking van vis, rys, die raffinering van petroleum, die slyp van diamante en die vervaardiging van sigarette. Freetown is die ligging van die Universiteit van Sierra Leone, Fourah Bay Kollege.
| Freetown | |
|---|---|
| Kaart | Vlag |
 | |
 | |
| Wapen | |
 | |
| Land |  Sierra Leone |
| Region | Westelike gebied |
| Koördinate | 08°29′04″N 13°14′04″W / 8.48444°N 13.23444°W |
| Gestig op | 11 Maart 1792 |
| Oppervlakte: | |
| - Totaal | 357 vk km |
| Hoogte bo seevlak | 26 m |
| Bevolking: | |
| - Totaal (2010) | 1 200 000 |
| - Bevolkingsdigtheid | 2 997,8/vk km |
| Tydsone | UTC +0 |
| - Somertyd | UTC +0 |
| Burgemeester | Yvonne Aki-Sawyerr |
| Amptelike webwerf | fcc.gov.sl |
.jpg)
Geskiedenis
Die gebied is vanaf 1787 deur bevryde slawe uit Engeland gevestig, 'n filantropiese en afskaffingsinisiatief deur die Sierra Leone Company. In 1792 is Freetown gestig deur Afro-Amerikaanse voormalige slawe van Nova Scotia, gelei deur Thomas Peter. In 1800 is Jamaikaanse Marrons bygevoeg en vanaf 1807, toe die Britte slawehandel begin afskaf, het bevryde Afrikane wat van slaweskepe bevry is, gereeld opgedaag. Afstammelinge van hierdie setlaars staan bekend as Creoles of Krio.
Van 1808 tot 1874 was die stad die hoofstad van Brits Wes-Afrika en ook 'n Britse kroonkolonie. Tydens die Tweede Wêreldoorlog het Engeland 'n vlootbasis by Freetown onderhou.
Die stad het in die laat 1990's hewige gevegte beleef. Die stad het die basis geword van militêre magte van die Ekonomiese Gemeenskap van Wes-Afrikaanse State, wat probeer het om president Ahmad Tejan Kabbah in 1998 aan bewind terug te gee. Later is hierdie militêre personeel onsuksesvol deur die United Revolutionary Front-rebelle aangeval.
Toerisme
Freetown het 'n unieke en ryk geskiedenis en daarom het baie besienswaardighede soos die Cotton Tree in die ou sentrum, die Law Court, die Slawepoort, die Portugese Trappe, St John's Maroon Church (gebou deur die Jamaikaanse Maroons omstreeks 1820), die Anglikaanse St. George's Cathedral (1828), die Foulah Town Moskee (gebou omstreeks 1830) en die Rooms-Katolieke Sacred Heart Cathedral. In die Sierra Leone-museum vind jy onder meer 'n replika van de Ruyter Steen uit 1664, met 'n inskripsie deur die Nederlandse admiraal Michiel de Ruyter.
In Freetown sal jy ook 'n uitgebreide naglewe, verskeie kleurvolle markte en 'n wye verskeidenheid eetplekke vind.
Verwysings
This article uses material from the Wikipedia Afrikaans article Freetown, Sierra Leone, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.