'n Fasediagram is 'n tipe grafiek wat in wetenskaplike velde soos fisiese chemie, mineralogie, ingeneurswese en materiaalwetenskappe gebruik word.
Dit dui sekere toestande (bv. temperatuur, druk, volume, chemiese samestelling) aan waar termodinamiese onderskeibare fases van materiaal voor kan kom en in ekwilibrium kan bestaan. Fasediagramme kan twee of meer dimensies, en ook twee of meer asse hê.
In fasediagramme kan ekwilibriumlyne of fasegrense gesien word, so genoem omrede dit verwys na toestande waaronder meer as een fase saam kan bestaan by hierdie ekwilibriumlyne. Trippelpunte is punte op die fasediagram waar ekwilibriumlyne bymekaarkom, en dui toestande aan waar drie fases kan bestaan. As water as voorbeeld geneem word, het dit 'n trippelpunt waar die temperatuur 273.16 K en 'n drukking van 611.657 Pa het. By hierdie trippelpunt kan ys, water en waterdamp in ekwilibrium bestaan.
This article uses material from the Wikipedia Afrikaans article Fasediagram, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.