Fanie Eloff: Suid-Afrikaanse beeldhouer.(1885-1947)

Hy is in die Transvaal gebore en was 'n kleinseun van Paul en Gezina Kruger. Sy vader was Frederik Christoffel Eloff, eienaar van die plaas Eloffsdal waarop die Pretoriase voorstede Eloffsdal en Capital Park uitgelê is, en sy moeder Elsie Eloff-Kruger. Ná hul dood drie weke ná mekaar het Fanie 'n marmergrafbeeld van hulle gemaak – 'n vertolking van hul gewyde stemming by die naggebed. Een van sy susters, Elsie, was getroud met dr. Herman van Broekhuizen. Hy studeer in Europa en ontwikkel sy eie, kenmerkende styl wat plaaslik sowel as oorsee groot waardering uitlok. Hy sterf in 1947 in Pretoria.

Fanie Eloff
Eloff in Parys, 16 Julie 1912
Gebore	Stephanus Johannes Paulus Eloff 7 Oktober 1885 Pretoria
Sterf	20 November 1947 Pretoria
Nasionaliteit	Suid-Afrika
Beroep	Beeldhouer
Bekend vir	Beeldhouwerk
Eggenoot	Ongetroud
Kinders	Geen

Fanie het in 1929 'n opskudding in Pretoria veroorsaak toe hy sy beelde en Pierneef dié se skilderye op 'n groot uitstalling uitgestal het. Dit was vir die Pretorianers uit die eerste helfte van die 20ste eeu reeds vreemd dat 'n mens 'n bestaan kon voer uit bronsbeelde. Maar toe hulle die beelde sien, het hulle na hul asem gesnak: Dit was beelde van kaal mans. Toe dit boonop bekendraak dat Eloff gay is, was die oordeel gevel: Bly weg van Eloff en sy kuns.

• 
  Bokser deur Fanie Eloff, Brons (1912) 1050mm hoog
• 
  Rhapsody deur Fanie Eloff, Brons (1935) 820mm hoog

• Ensiklopedie van Suidelike Afrika, Eric Rosenthal, 1967