Breëblaarkoraalboom

Dié middelgroot boom kom in oop bosveld en rotsagtige plekke voor noordwaarts van Oos-Londen tot by die Lebomboberge asook in die sentrale deel van Zimbabwe. Dit is teenwoordig in die laerliggende dele van Transkei, KwaZulu-Natal, Eswatini, die Laeveld, Mosambiek en Zimbabwe.

Dit is 'n ronde, gespreide boom wat 4,5 tot 6 m hoog word. Die takeindpunte is dik, vaalgrys en harig, en alleenstaande haakdorings kom op die takke voor. Die boom het groot, dik blare. Die blare is grysgroen, fluweelagtig en byna rond, en word spiraalvormig aan die takeindpunte gedra. Die blare, wat glad word wanneer hulle oud is, het onreëlmatige, golwende rande. Die blomme word in kompakte trosse aan die takeindpunte gedra. Die blomme is aanvanklik ligrooi, maar word later koraalrooi. Hoewel die boom baie met ander Erythrina-spesies ooreenstem, is sy blomme minder en benewens minder opvallend. Dit blom van einde Julie tot in September.

•  
  Stam en bas
•  
  Blare
•  
  Terminale blaartjie
•  
  Blomme en peule
•  
  Peul
•  
  Sade

• Alfabetiese lys van Suid-Afrikaanse bome

• Watter Boom is dit? Eugene Moll 2013 ISBN 978 1 77007 832 1
• Plants of the World Online

• Wiki Afrikaans  Wiki Commons het meer media in die kategorie Breëblaarkoraalboom.

  Hierdie artikel is ’n saadjie. Voel vry om Wikipedia te help deur dit uit te brei.