English Electric Lightning: 'n supersoniese vegvliegtuig (onderskepper) uit die Koue Oorlog-era.
Die English Electric Lightning is 'n supersoniese vegvliegtuig (onderskepper) uit die Koue Oorlog-era.
Dit is ontwerp, ontwikkel en vervaardig deur English Electric, wat later geabsorbeer is deur die nuutgestigte British Aircraft Corporation. Dit is daarna bemark as die BAC Lightning. Die Lightning was die enigste volledig-Britse Mach 2 vegvliegtuig. Die Lightning is gebruik deur die Britse Lugmag (Royal Air Force) en die Koninklike Saoedi Lugmag (RSAF). Alhoewel dit die RAF se primêre onderskepper was vir meer as twee dekades, was dit nooit nodig om 'n ander vliegtuig aan te val nie.
| Lightning | |
|---|---|
 | |
| Tipe | Onderskepper |
| Vervaardiger | English Electric, later ook British Aircraft Corporation |
| Nooiensvlug | 4 Augustus 1954 (P.1A) 4 April 1957 |
| Vrygestel | Desember 1959 |
| Onttrek | 1988 (RAF) |
| Status | uit diens gestel |
| Hoofgebruikers | Britse Koninklike Lugmag Koeweitse Lugmag Koninklike Saoedi Lugmag |
| Aantal gebou | 337 (insl. prototipes) |
.jpg)
.jpg)
Die Lightning word aangedryf deur twee Rolls-Royce Avon turbostralerenjins in 'n unieke steiergestapelde installasie in die romp. Dit is ontwikkel om toenemend-kragtiger bomwerpers (Toepolef Tu-16, Toepolef Tu-22, Toepolef Tu-95) te onderskep, en spog dus met 'n uitsonderlike klimkoers, diensplafon en spoed; vlieëniers het 'n vlug hiermee beskryf as "om opgesaal te wees aan 'n vuurpyl". Hierdie prestasie het die Lightning ongelukkig 'n "brandstof-kritiese" vliegtuig gemaak, wat beteken dat sy missies tot 'n groot mate bepaal word deur sy beperkte reikafstand. Latere ontwikkelings bied 'n groter togafstand en spoed saam met lugverkenning- en grondaanvalsvermoë.
Tegniese besonderhede
| Item | Statistiek |
|---|---|
| Aantal motors | 2 |
| Tipe motor | Straalmotor |
| Vervaardiger | Rolls-Royce Avon 301 turbostraal met nabrander. |
| Kraglewering per motor | 7 420 perdekrag |
| Vlerkspan | 10,62 m |
| Lengte | 16,84 m |
| Hoogte | 5,97 m |
| Vlerkoppervlakte | 42,97 m2 |
| Normale opstygmassa | 19 047 kg |
| Maksimum snelheid | 2 112 km/h |
| Operasionele hoogte | 16 770 m |
| Togafstand | 1 290 km |
| Klimvermoë | 15 240 m per minuut |
| Bewapening | Twee Red Top of Firebreak infrarooisoekende lug-tot-lug missiele of twee batterye van 22 50 mm ongeleide vuurpyle. Twee 30 mm Aden kanonne kan ook in die buik gedra word. |
Sien ook
Verwysings
Eksterne skakels
- Wiki Afrikaans
Wiki Commons het meer media in die kategorie English Electric Lightning. - Lightning-bladsy
- Thunder & Lightnings
- BAC Lightning Info
- Lightning Association Geargiveer 2 Julie 2007 op Wayback Machine
| Hierdie artikel is in sy geheel of gedeeltelik vanuit die Engelse Wiki vertaal. |
This article uses material from the Wikipedia Afrikaans article English Electric Lightning, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.