In die Grieks-Romeinse mitologie was Eneas of Aeneas (Grieks: Αἰνείας, moontlik afgelei van αἰνή, geloof) ’n Trojaanse held, die seun van prins Anchises en die godin Afrodite/Venus.
Sy pa was die neef van koning Priamos van Troje (hulle was albei kleinseuns van Ilus, die stigter van Troje).
Eneas was ’n karakter in die Griekse mitologie en word onder meer in Homeros se Ilias genoem. Hy word ook uitgebreid in die Romeinse mitologie behandel, veral in Vergilius se Eneïde, waar hy ’n voorouer van die stigters van Rome, Romulus en Remus, is. Hy was die eerste ware held van Rome.
Vergilius (70-19 v.C.), een van die beroemdste Romeinse digters, het in die tyd van keiser Augustus, dus in die bloeityd van die Romeinse Ryk, geleef. Augustus het daarna gestreef dat sy onderdane trots moes wees op hul roemryke verlede, en daarom het hy Vergilius aangemoedig om 'n epos (heldedig) oor die ontstaan van Rome te skryf.
This article uses material from the Wikipedia Afrikaans article Eneas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.