Die dwergbroodboom (Encephalartos humilis) is 'n spesie van die genus Encephalartos en is endemies aan Mpumalanga waar dit voorkom in die Krokodilriviervallei.
Die plant is klein, die stam word slegs 30 cm lank en dit groei hoofsaaklik op oos- en noordooshellings. Dit vorm makliker keëls in toestande van swaar reën en digte mis. Die plant word bedreig deur die afwesigheid van gereelde brande omrede dit voorkom in gebiede waar daar goed bestuurde bosbouplantasies is. Vuur versnel die frekwensie van die vorming van keëls.
Dwergbroodboom | |
---|---|
Wetenskaplike klassifikasie | |
Domein: | Eukaryota |
Koninkryk: | Plantae |
Klade: | Tracheofiete |
Divisie: | Cycadophyta |
Klas: | Cycadopsida |
Orde: | Cycadales |
Familie: | Zamiaceae |
Genus: | Encephalartos |
Spesie: | E. humilis |
Binomiale naam | |
Encephalartos humilis I.Verd., (1951) |
Die boom is eenslagtig, manlike en vroulike bome is afsonderlike eksemplare. Die plant vorm slegs een keël op 'n slag en word ook nie maklik oorgeplant nie. As gevolg van dié omstandighede staan dit gevaar om uit te sterf.
Die boom se FSA-nommer is 14.16. In Engels staan die broodboom as die Dwarf Cycad bekend.
This article uses material from the Wikipedia Afrikaans article Dwergbroodboom, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.