Elementêre Deeltjie

As dit wel die geval is, is elementêre deeltjies die basiese boustene van die heelal waaruit alle materie bestaan.

In die Standaardmodel van deeltjiefisika sluit die elementêre deeltjies in die fundamentele fermione (insluitende kwarke, leptone en hul antideeltjies), en die fundamentele bosone (insluitende die ykbosone en die Higgsboson). Hoewel die deeltjies nie uit kleiner dele bestaan nie, kan van hulle in ligter deeltjies verander (volgens sekere reëls).

Vroeër is geglo atome is die kleinste deeltjies in die natuur ("atoom" kom van die Griekse woord atomos, wat "ondeelbaar" beteken). ’n Sentrale kenmerk in die elementêre-deeltjie-teorie is die vroeë-20ste-eeuse idee van kwantums, wat die begrip van elektromagnetiese straling hervorm en kwantummeganika teweeggebring het.

 

Volgens die Standaardmodel is alle elementêre deeltjies óf bosone óf fermione (na gelang van hul spin). Die deeltjies wat gewoonlik met materie verbind word, is fermione. Hulle het ’n halftallige spin en word verdeel in 12 aromas. Deeltjies wat verbind word met die vier basiese natuurkragte is bosone en hulle het ’n heeltallige spin.

Elementêre fermione (materiedeeltjies):

• Kwarke:
  • Op, af, sjarme, vreemd, bo, onder
• Leptone:
  • Elektron, elektronneutrino, muon, muonneutrino, tau, tauneutrino

Elementêre bosone (kragvoerende deeltjies):

• Ykbosone:
  • Gluon, W- en Z-bosone, foton

Ander bosone

• Higgsboson

’n Boson wat van die groter familie Higgsbosone kan wees, is die laaste deeltjie wat waarskynlik ontdek is (in Julie 2012) en is moontlik die swaarste boson wat nog gevind is. Nog elementêre deeltjies kan bestaan, soos die gravitone, wat met swaartekrag verbind word. Sulke deeltjies is nie deel van die Standaardmodel nie.

Generasies

Antideeltjies

Daar is ook 12 fermioniese antideeltjies wat met die 12 fermione ooreenstem. Die elektron het byvoorbeeld ’n antideeltjie met die naam anti-elektron, of positron (e⁺), met ’n elektriese lading van +1.

• Deeltjiefisika
• Standaardmodel

•   Wikiwoordeboek het 'n inskrywing vir elementêre deeltjie.
•   Hierdie artikel is vertaal uit die Engelse Wiki