Eierstoel
Die eierstoel is in 1958 deur Arne Jacobsen vir die Radisson SAS- hotel in Kopenhagen, Denemarke, ontwerp.
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Dit word deur Republic of Fritz Hansen vervaardig. Die stoel het 'n staalraamwerk, en word met materiaal of leer gestoffeer. Die stoel is volgens die Modernisme-styl ontwerp.
Die eierstoel is volgens die tipiese Jacobsen-styl, in toonaangewende materiale van die tydperk, ontwerp.
Die stoel is vermoedelik deur Eero Saarinen se "Womb-stoel" geïnspireer, vanwaar dit 'n paar eienskappe ontleen het.
Die eierstoel is aan die swaanstoel, en tot 'n sekere mate ook aan verskeie van Jacobsen se laaghoutstoele soos die "7", die mierstoel, die sigaarstoel, die Grand Prix-stoel, die potstoel, die druppelstoel en die kameelperdstoel, verwant.
Die eierstoel (soos die swaanstoel) is ook as 'n bank-weergawe ontwerp. Terwyl die swaanbank nog in produksie is, is daar nog net 'n handvol eierrusbanke gemaak. 'n Paar is vir die Radisson Hotel gemaak, en 'n paar jaar gelede is 'n aantal as 'n "spesiale uitgawe" gemaak. Die prys was redelik hoog — ongeveer 400 000 DKK, wat gelykstaande is aan ongeveer VS$ 75 000.
Die beperkte produksie van die eierbank, behalwe vir die behoefte aan eksklusiwiteit, is te wyte aan 'n ontwerpfout. Die bank is te groot om met twee hele koeihuide te bedek - dit was wel moontlik met die eierstoel. Die gebruik van meer as een huid het 'n baie sigbare stiksel in die middel van die bank tot gevolg. Hierdie probleem kan egter opgelos word deur van materiaalstoffering eerder as leer gebruik te maak.
Volgens 'n artikel in The New York Times, is die eierstoel ook deur McDonald's, as deel van 'n hoë-konsep herontwerp van een van sy restaurante in Londen, gebruik. Verder word die eierstoel ook in 'n McDonald's-restaurant in Nørrebrogade, Kopenhagen, saam met ander meubels van Arne Jacobsen, hoewel sommige nabootsings is, gebruik.
Die eierstoel is in die eerste Britse 'Big Brother'-reeks in die sogenaamde dagboekkamer gebruik.
Die eierstoel word in die vertreksale van die nuut opgeknapte terminaal 2 op die San Francisco Internasionale Lughawe gebruik.
Daar is deesdae honderde verskillende soorte eierstoele, en hangende eierstoele, wat deur Arne Jacobsen se ontwerp geïnspireer is.
Sien ook
- Deens modern
- Lys van Deense meubelontwerpers
- Lys van stoele
Verwysings
Eksterne skakels
- Wiki Afrikaans
Wiki Commons het meer media in die kategorie Eierstoel.
This article uses material from the Wikipedia Afrikaans article Eierstoel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.