Rooikeelreier
Die rooikeelreier (Egretta vinaceigula) is 'n seldsame, gelokaliseerde standvoël.
In Engels staan dit bekend as die Slaty egret.
| Rooikeelreier | |
|---|---|
 | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | Egretta |
| Spesie: | E. vinaceigula |
| Binomiale naam | |
| Egretta vinaceigula (Sharpe, 1895) | |
 | |
| Verspreiding | |
Identifikasie
Dit lyk soos 'n leikleurige kleinwitreier, maar word aan sy geel tarsi (voetwortels), en van naby aan sy vaalbruin keel en geel oë en gesigvel, van die swartreier onderskei. Die pluime aan sy agterkop ontbreek soms. Dit is sowat 60 cm lank.
Habitat
Die reiers boer veral een-een by vlak, digbegroeide vloedpanne en langs stil rivierlope van die Okavangodelta, Linyanti- en Choberiviergebied van Noord-Botswana; 'n swerwer elders.
Verspreiding
Hulle kom veral rondom bogenoemde gebiede voor, maar ylverspreide groepies word ook aangetref in die noordelike deel van Namibië, Zimbabwe, Limpopo en die Noordwes-provinsie. Hulle word deur die IUBN geklassifiseer as 'n kwesbare spesie.
Sien ook
Bronnelys
- Newman se Voëls van Suider-Afrika; ISBN 1868729826
- Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-928-1
This article uses material from the Wikipedia Afrikaans article Rooikeelreier, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.