Eerste Satanistiese Kerk

Die Eerste Satanistiese Kerk (Engels: First Satanic Church) is op 31 Oktober 1999 deur Karla LaVey gestig om die erfenis van haar vader Anton LaVey, die skrywer van die Satanistiese Bybel, voort te sit.

Anton LaVey het op Walpurgisnag (30 April 1966) die "Satanistiese Kerk" (Engels: Satanic Church) in San Francisco gestig en later hernoem tot Kerk van Satan (Church of Satan). Ná sy afsterwe in 1997 is die Kerk deur 'n nuwe bestuur oorgeneem en sy administratiewe setel na New York Stad verskuif.

Die Hoëpriesteres Karla LaVey het hierdie besluit as onversoenbaar met haar vader se erfenis beskou en die Satanistiese Kerk herstig. Die Eerste Satanistiese Kerk word vanuit San Francisco bestuur, net soos haar vader die organisasie vroeër gelei het.

Die Kerk het 'n Walpurgisnag-seremonie in April 2005 in die 12 Galaxies-nagklub in San Francisco gevier, asook 'n weldadigheids-partytjie in San Francisco se Edinburgh Castle net voor Halloween 2005 om geld in te samel vir die slagoffers van die orkane Katrina en Rita. Sedert 1998 het die Satanistiese Kerk in Desember sy Annual Black X-Mas Show aangebied. Hierdie partytjies staan oop vir die publiek (in teenstelling met lidmaatskap van die Kerk).

Karla LaVey tree as die gasvrou van 'n weeklikse radioaanbieding in San Francisco op, waartydens sy praat en musiek speel, wat sy saam met haar pa geniet het. Luisteraars word aangemoedig om hul eie CD-skywe vir haar in te stuur sodat sy ook dié musiek kan speel.

• Die amptelike webwerf van die First Satanic Church Geargiveer 21 November 2014 op Wayback Machine
• The Church of Satan MySpace^{[dooie skakel]}
• The 600 Club - Satanic Discussion Forum/Satanistiese Geselshoekie Geargiveer 25 Junie 2014 op Wayback Machine