Edelweiss
Die edelweiss (Leontopodium nivale) is 'n hooggebergteplant van die familie Compositae (saamgestelde blomme).
Die plante word in Europa onder meer op die Alpe, die Apennyne, die Pireneë en die Karpate aangetref, asook in Sentraal-Asië.
| Edelweiss | |
|---|---|
 | |
| Nabyskoot van blom. | |
| Wetenskaplike klassifikasie | |
| Koninkryk: | |
| (geen rang): | |
| (geen rang): | |
| (geen rang): | |
| Orde: | |
| Familie: | |
| Tribus: | Gnaphalieae |
| Genus: | Leontopodium |
| Spesie: | L. nivale |
| Binomiale naam | |
| Leontopodium nivale (Ten.) Huet ex Hand.-Mazz. | |
Die stingel en lansetvormige blare is met silwerkleurige, wollerige hare bedek, en die klein, bleekgeel blomhofies (tussen 2 en 10) staan dig opmekaar in die middel van wit skutblare.
Die edelweiss (Leontopodium alpinum) is 'n meerjarige kruid en word tussen 5 en 20 cm hoog. Dit word dikwels tot op 'n hoogte van 3500 m bo seespieël aangetref, maar selde laer as 1 500 m.
Toeriste het op so 'n groot skaal dié plante op maklik bereikbare plekke uitgeroei dat hulle eintlik nog net in onherbergsame plekke aangetref word. Hierdie blom het al feitlik simbolies van die Alpe geword. Daar is talle verhale oor bergklimmers wat hul lewe gewaag het om een van hierdie skaars blommetjies te pluk. Die Alpynse lande moes reeds streng beskermingswette maak om die edelweiss, die landsblom van Switserland, van algehele uitwissing te red.
Bronnelys
- Wêreldspektrum, Vol. 5, 187, ISBN 0 908409 46 X
- KENNIS, vol 8, 1980, bl. 1540-1541, ISBN 0 7981 0830 4
This article uses material from the Wikipedia Afrikaans article Edelweiss, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.