Eaton Se Pylsterteend
Eaton se pylsterteend (Anas eatoni) is 'n eend wat deur die IUBN geklassifiseer word as 'n kwesbare spesie.
Dit is genoem na die Engelse verkenner en naturalis Alfred Edmund Eaton. Eaton se pylsterteend is verwant aan die gewone pylsterteend en daar word gemeen dat dit daarvan afgesplinter en in aparte spesies ontwikkel het. Die manlike voēls ontwikkel nie volle broeivere nie.
| Eaton se pylsterteend | |
|---|---|
 | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | A. eatoni |
| Binomiale naam | |
| Anas eatoni (Sharpe, 1875) | |
Dit kom in twee subspesies op eilande in die Suidelike Indiese Oseaan voor:
- Anas eatoni eatoni op Kergueleneilande (5000-20 000 pare geskat in 1982)
- Anas eatoni drygalskyi op die Crozeteilande (600-700 pare geskat in 1982)
In die 1950's en 1960's is Anas eatoni eatoni na Amsterdameiland ingevoer, maar dit is sedert 1970 nie daar gesien nie en daar word aangeneem dat dit weer uitgesterf het. Die inheemse Amsterdameilandeend (Anas marecula) het in 1800 uitgesterf.
Die bevolking is aan die afneem en die getalle kan nou reeds heelwat minder wees as hierbo vermeld. Die eende is vroeër deur onder andere seeleeujagters gejag met 200 tot 300 wat elke jaar geskiet is na die vestiging van 'n basis in 1950. Ingevoerde roofdiere is nou die grootste bedreiging op Possession, Cochonseiland in Crozet en op die Kergueleneilande. Die voëls wat na Amsterdameiland ingevoer is, het waarskynlik uitgesterf as gevolg van wilde huiskatte en bruin rotte. Konyne is in 1992 op van die Kergueleneiland met gif uitgeroei [1].
Eaton se pylsterteend is in 1983 op 'n posseël van 1,5 en 1,8 frank van die Franse Suidelike en Antarktiese Gebiede afgebeeld [2].
Sien ook
Eksterne skakels
- BirdLife Species Factsheet Geargiveer 5 Januarie 2009 op Wayback Machine
This article uses material from the Wikipedia Afrikaans article Eaton se pylsterteend, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.