Dubbelbalk-Chromis
Die dubbelbalk-chromis (Chromis opercularis) is 'n vis wat wydverspreid in die Indiese Oseaan voorkom asook aan die ooskus van Afrika suidwaarts tot by die suide van KwaZulu-Natal.
In Engels staan die vis bekend as die Doublebar chromis.
| Dubbelbalk-chromis | |
|---|---|
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | Chromis |
| Spesie: | C. opercularis |
| Binomiale naam | |
| Chromis opercularis (Günther, 1867) | |
Identifikasie
Die vis word tot 16 cm lank en is een van die grootste lede van die Chromis genus. Hulle kleurskema verskil volgens geografiese area wat identifikasie bemoeilik. In Suidelike Afrika is die volwasse vis grysblou aan die bokant en geelgrys aan die onderkant terwyl die skubbe swart rante het. Die stertvin is ook ligter van kleur. Dit het egter 'n kenmerkende dubbele swart balk oor die kop.
Die onvolwasse visse is grysblou met 'n heldergeel stert terwyl die agterkante van die dorsale- en analevinne swart is.
Habitat
Hulle leef in kus- en aflandige riwwe in water wat 4 tot 40 m diep is. Die volwasse visse is alleenlopers en die onvolwasse visse kom in klein groepies voor. Hulle verkies leefareas waar daar sterker strominge is en vreet soöplankton.
Sien ook
Bron
- The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3
Eksterne skakel
Verwysings
This article uses material from the Wikipedia Afrikaans article Dubbelbalk-chromis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.