Die doringkanniedood (Commiphora glandulosa), ook bekend as die groot gewone kanniedood, is 'n doringagtige struik of klein boom.
Dit verkies sanderige grond en mopaniebosveld en kom noord van Gauteng voor; ook in die Lebomboberge, en noord van KwaZulu-Natal. Dit is volop in die Balule- en Pafurideel van die Krugerwildtuin. Die spesie is ook inheems in Angola, Botswana, Demokratiese Republiek die Kongo, Eswatini, Malawi, Mosambiek, Namibië, Tanzanië, Zambië en Zimbabwe.
Doringkanniedood | |
---|---|
C. glandulosa in Limpopo | |
Wetenskaplike klassifikasie | |
Domein: | Eukaryota |
Koninkryk: | Plantae |
Klade: | Tracheofiete |
Klade: | Angiospermae |
Klade: | Eudicots |
Klade: | Rosids |
Orde: | Sapindales |
Familie: | Burseraceae |
Genus: | Commiphora |
Spesie: | C. glandulosa |
Binomiale naam | |
Commiphora glandulosa Schinz, (1908) | |
Sinonieme | |
|
Die boom se FSA-nommer is 285.1
Dit is 'n klein immergroen boom, word tot 6 m hoog met 'n digte, rofweg ronde kroon. Die stam is kort, reguit en redelik dik, soms met vertakkings reeds aan die laer deel. Die bas is donker grys, geelgrys tot groengrys en skilfer in klein papierdun vlokkies of selfs blokkies af.
Die blomme is klein, rooi en buisvormig en verskyn gewoonlik in September tot Oktober. Die vruggies is effens asimmetries (maksimaal 1.3 cm by 1 cm) en helderrooi van kleur wanneer ryp.
This article uses material from the Wikipedia Afrikaans article Doringkanniedood, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.