Doornfontein is een van die plase waarop die oudste dele van Johannesburg gebou is, onder meer die voorstede Bellevue en Bellevue-Oos, Belgravia, Berea, Bertrams, Bezuidenhoutsvallei, City and Suburban, Cleveden, Cleveland, Cyrildene, Denver, Fairview, Jeppestown, Judith's Paarl, Lorentzville, Malvern, Nieu-Doornfontein, Observatory, Troyeville, Yeoville en Doornfontein self.
In 1853 is die inspeksiekommissie deur Barend C. Viljoen, bewoner van die stuk grond bekend as "doren fontijn", versoek om die grond te inspekteer sodat 'n grondbrief aan hom uitgereik kon word. Die grond is egter eers op 20 September 1861 op sy naam getransporteer. Teen 1865 het die plaas oorgegaan in die hande van sy skoonseun en enigste erfgenaam, Frederik Jacobus Bezuidenhout. Bezuidenhout het hom op Doornfontein gevestig en sy woonhuis van modder, klip en riete gebou. Tot 1886 is nie 'n enkele gedeelte van die plaas vervreem nie.
Die meer gegoede voorstede op die plaas Doornfontein was tradisioneel oorwegend Engels en Joods, terwyl die minder gegoede voorstede 'n groter Afrikaanse bevolking gehad het, soos blyk uit die opgaaf van munisipale kiesers volgens voorstad in Johannesburg vir die jare 1934, 1949 en 1961. Tog was die streek in sy geheel oorwegend Engels sodat teen 1961 net Cleveland meer Afrikaanse as Engelse kiesers gehad het.
1934 | 1949 | 1961 | ||||
---|---|---|---|---|---|---|
Voorstad | Afrikaans | Engels | Afrikaans | Engels | Afrikaans | Engels |
Belgravia | 679 | 225 | (341) | (1115) | 2 | 5 |
Bellevue | 109 | 2379 | 543 | 3911 | 343 | 3643 |
Berea | 215 | 3332 | 216 | 3743 | 946 | 6004 |
Bertrams | 115 | 680 | 312 | 845 | 362 | 618 |
Bezuidenhoutsvallei | 789 | 1938 | 1187 | 2525 | 1585 | 3112 |
City and Suburban | 106 | 575 | 4 | 18 | 1269 | 3519 |
Cleveden | 9 | 18 | 15 | 46 | ||
Cleveland | 81 | 118 | 184 | 220 | 302 | 263 |
Cyrildene | 70 | 1025 | (70) | (1025) | ||
Denver | 171 | 268 | 93 | 70 | 210 | 263 |
Doornfontein | 91 | 1208 | 284 | 1246 | 447 | 835 |
Fairview | 246 | 1001 | 449 | 864 | 484 | 673 |
Highlands | 5 | 112 | 60 | 1591 | 137 | 2684 |
Jeppestown | 719 | 1784 | 2398 | 2810 | 2272 | 2389 |
Judith's Paarl | 89 | 548 | 194 | 766 | 109 | 199 |
Kensington | 632 | 6410 | 1277 | 9521 | 1330 | 7858 |
Linksfield | 5 | 50 | 4 | 242 | 47 | 505 |
Lorentzville | 101 | 390 | 164 | 424 | 323 | 404 |
Malvern | 586 | 3629 | 1686 | 3805 | 1507 | 2927 |
Nieu-Doornfontein | 95 | 1317 | 188 | 1265 | 30 | 60 |
Observatory | 49 | 704 | 80 | 1708 | 111 | 2712 |
Randview | 29 | 9 | 34 | |||
Reynolds View | 25 | 6 | 72 | 16 | 102 | |
Troyeville | 340 | 2097 | 1179 | 2075 | 1067 | 1111 |
Yeoville | 92 | 2709 | 194 | 3917 | 473 | 4738 |
This article uses material from the Wikipedia Afrikaans article Doornfontein (plaas), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.