Doggersbank
Die Doggersbank is 'n groot, langwerpige sandbank in die suide van die Noordsee en begrens die Duitse Baai in die noordweste.
In die weste is die kus van Groot-Brittanje en in die ooste die kus van Denemarke. Die Doggersbank het 'n lengte van tussen 300 en 350 kilometer van wes na oos, 'n breedte van sowat 120 kilometer en 'n oppervlakte van 17 600 km². Terwyl die Noordsee 'n gemiddelde diepte van 94 m het, is die Doggersbank gemiddeld net 30 m diep en 13 m op sy vlakste.
Die Doggersbank is veral bekend vir twee seeslae:
- Tydens die Vierde Engels-Nederlandse Oorlog het die Slag op die Doggersbank op 5 Augustus 1781 plaasgevind.
- Tydens die Eerste Wêreldoorlog het die Slag van Doggersbank tussen die vloot van die Duitse Keiserryk en die Britse Vloot plaasgevind.
This article uses material from the Wikipedia Afrikaans article Doggersbank, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.