Dipuo Peters
Elizabeth Dipuo Peters (gebore op 13 Mei 1960 in Kimberley, Noord-Kaap) is 'n Suid-Afrikaanse politikus wat vanaf 7 Maart 2023 die Adjunkminister van Kleinsakeontwikkeling van die Republiek van Suid-Afrika is.
| Elizabeth Dipuo Peters | |
 | |
Minister van Vervoer | |
| Ampstermyn 10 Julie 2013 – 30 Maart 2017 | |
| President | Jacob Zuma |
|---|---|
| Voorafgegaan deur | Ben Martins |
| Opgevolg deur | Joe Maswanganyi |
Minister van Energie | |
| Ampstermyn 11 Mei 2009 – 10 Julie 2013 | |
| President | Jacob Zuma |
| Voorafgegaan deur | Buyelwa Sonjica |
| Opgevolg deur | Ben Martins |
2de Premier van die Noord-Kaap | |
| Ampstermyn 11 Mei 1998 – 6 Mei 2009 | |
| Voorafgegaan deur | Manne Dipico |
| Opgevolg deur | Hazel Jenkins |
Persoonlike besonderhede | |
| Gebore | 13 Mei 1960 Kimberley, Noord-Kaap |
| Politieke party | African National Congress |
Dipuo Peters was die Minister van Vervoer van die Republiek van Suid-Afrika vanaf 10 Julie 2013 tot 30 Maart 2017 in die Zuma-administrasie. Sy was voorheen ook die Minister van Energie van 2009-2013 nadat sy as opvolger van Manne Dipico as die tweede Premier van die Noord-Kaap gedien het van 22 April 2004 tot 10 Mei 2009.
Dipuo Peters is 'n lid van die African National Congress en dien in die Vroueliga se Nasionale Uitvoerende Kommittee. Sy het in April 2017 as lid van die parlement bedank.
President Cyril Ramaphosa het in Maart 2024, Peters, as adjunkminister van kleinsakeontwikkeling vir 'n maand sonder betaling geskors. Peters is ook vir een termyn uit alle parlementsverwante sittings as ’n LP geskors nadat die etiekkomitee ’n klag teen haar oorweeg en bevind het sy het die etiese gedragskode in haar voormalige portefeulje as minister van vervoer oortree. Sy het versuim om ’n uitvoerende hoof vir Prasa aan te stel en het die direksie afgedank wat R14 miljard se finansiële ongerymdhede ontdek het. Peters het ook haar posisie misbruik om Prasa-busse vir ANC-geleenthede in 2014 en 2015 te verskaf, sonder behoorlike vergoeding.
Verwysings
Eksterne skakels
- Dipuo Peters op People's Assembly
This article uses material from the Wikipedia Afrikaans article Dipuo Peters, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.