Bloubos: Plantspesie
Die bloubos (Diospyros lycioides) is 'n algemene en wydverspreide blomplant-spesie in die ebbehout-familie.
Dit is inheems aan Afrika suidwaarts van die ewenaar. Dit is soms 'n klein boom maar kom eerder as 'n geronde, hoë struik voor. Die boom se FSA-nommer is 605.
| Bloubos | |
|---|---|
 | |
| D. l. subsp. lycioides in KwaZulu-Natal. Die gladde blare is hier met galle bedek. | |
Wetenskaplike klassifikasie  | |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Klade: | Asterids |
| Orde: | Ericales |
| Familie: | Ebenaceae |
| Genus: | Diospyros |
| Spesie: | D. lycioides |
| Binomiale naam | |
| Diospyros lycioides Desf., (1805) | |
Verspreiding en habitat
Die spesie is inheems in Angola, Botswana, Demokratiese Republiek die Kongo, Eswatini, Lesotho, Malawi, Mosambiek, Namibië, Zambië en Zimbabwe.
Dit kom in die bosveld dwarsdeur 'n groot gedeelte van Suider-Afrika voor, maar is afwesig in die sentrale gedeelte van die Kalahari en Mosambiek asook van woestyn en fynbosplantegroei.
Beskrywing
Die blare is 15 – 17 mm lank en is dig eindstandig gebondel. Die blaarskyf is die breedste in die derde naaste aan die blaarpunt. Die blare is dofgroen met 'n geronde punt en 'n spitslopende basis. Die vrugte is byna bolvormig met vyf blywende kelklobbe wat sterk na agter buig. Identifikasie van die boom kan moeilik wees aangesien daar 'n paar soortgelyke bloubos- en sterappel-spesies is.
Subspesies
Die spesie het vier subspesies:
- Diospyros lycioides subsp. guerkei (Kuntze) De Winter
- Diospyros lycioides subsp. lycioides
- Diospyros lycioides subsp. nitens (Harv. ex Hiern) De Winter
- Diospyros lycioides subsp. sericea (Bernh.) De Winter
Fotogalery
-
'n Groot vrugtedraende bloubos in Moreletakloof -
Die soet, eetbare vrugte word laatsomer gedra -
Die bolvormige vrugte van naderby
Sien ook
Verwysings
Bronnelys
- Watter Boom is dit? Eugene Moll 2013 ISBN 978 1 77007 832 1
- Plants of the World Online
This article uses material from the Wikipedia Afrikaans article Bloubos, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.