Dariush Eghbali
Dariush Eghbali (Persies: داریوش اقبالی , Dāryūš Eqbālī), beter bekend onder sy verhoognaam Dariush, word naas Ebi as een van die belangrikste Iranse sangers van sy generasie beskou.
Hy staan bekend vir sy warm basstem wat 'n unieke bekoring aan sy ballades en sosio-politieke liedjies gee. As sosiale aktivis lewer Dariush 'n belangrike bydrae om die publiek bewus te maak van sosiale misstande soos menseregskendings, dwelmmisbruik, Vigs en die lot van straatkinders en vlugtelinge.
Dariush Eghbali | |
|---|---|
 Dariush tydens 'n konsert in Maleisië | |
| Agtergrondinligting | |
| Gebore | 4 Februarie 1951 Teheran, Iran |
| Genres | Persiese popmusiek |
| Beroep(e) | Sanger |
| Instrumente | Stem |
| Jare aktief | 1971 tot hede |
| Etikette | Caltex Records, Los Angeles |
| Webwerf | dariusheghbali.com |
Lewe
Dariush Eghbali is in Karadj, 'n stad sowat 40 km wes van Teheran, grootgemaak. In die ouderdom van nege het hy die eerste keer op die verhoog van sy skool verskyn. Elf jaar later, in 1971, het die akteur Hassan Khayatbashi hom tydens 'n televisie-aanbieding aan 'n groter gehoor bekend gestel, en sy liedjie Don't Tell Me You Love Me het binnekort 'n groot treffer geword. Tot op datum het hy meer as 200 liedjies opgeneem en 26 langspelers vrygestel. Hy het voor gehore dwarsoor die wêreld opgetree en daarnaas rolle in twee Iranse rolprente vertolk. Ná die Iranse Rewolusie in 1979 het Dariush Eghbali hom, net soos honderdduidende ander ballinge, in Los Angeles gevestig - die stad waar na welvarende buurte met 'n hoë persentasie Farsisprekendes soms skertsend as Tehrangeles verwys word.
As 'n lid van Amnesty International en sosiale aktivis ondersteun Dariush Eghbali die Iran Recovery Center en die Ayeneh-stigting, net soos die stryd teen dwelmmisbruik.
Diskografie
- Be Man Nagou Doset Daram (1971)
- Zendouni (1972)
- Cheshme Man (1973)
- Mosabab (1974)
- Shaghayegh (1975)
- Saal-e Dohezar (1976)
- Faryad zir Aab (1977)
- Jangal (1978)
- Salam Ey Khake Koobe Mehrabani (1980)
- Nadim (1982)
- Parandeye Mohajer (1983)
- Emrooz (1984)
- Khamoosh Namirid (1987)
- Khake Khasteh (1989)
- Nazanin (1990)
- Noon-o Panir-o Sabzi (met Ebi) (1990)
- Aman Az (1992)
- Ahay Mardoome Donya (1993)
- Sofreh Seen (Mit Hatef) (1993)
- Bachehaye Iran (1995)
- Ashofte Bazar (1996)
- Gole Bita (1999)
- Rumi: The Beloved is Here (met Ramesh und Faramarz Aslani) (2003)
- Dobareh Misazamet Vatan (2003)
- Rahe Man (2005)
- Mojezeye Khamoosh (2008)
- Donyaye In Roozaye Man (2010)
- Ensan (2011)
- Hafez: The Beloved is Here (2012)
- Sefr (2016)
Verwysings
Eksterne skakels
- Media
- youtube.com: Dariush - Tasvire Roya
- youtube.com: Dariush - Payane Eshgh
- youtube.com: Dariush - Shatranj / Shah of Iran
- youtube.com: Dariush - The beloved is here. Dariush sing 'n getoonsette gedig van die 13de eeuse Persiese digter Rumi
- youtube.com: Dariush - Dobareh Misazamat Vatan
- youtube.com: Dariush - Na
- youtube.com: Dariush - Donyaye In Roozaye Man (in lewende lywe in die Gibson Amphitheatre)
This article uses material from the Wikipedia Afrikaans article Dariush Eghbali, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.