Cullinan: Dorp in Suid-Afrika
Cullinan is 'n myndorpie in die provinsie Gauteng (Suid-Afrika), sowat 40 km van Pretoria en 100 km van Johannesburg af en lê op 'n hoogte van 1 476 m bo seevlak.
Cullinan | |
|---|---|
Dorp | |
 Oaklaan, Cullinan se hoofstraat | |
  Cullinan Cullinan se ligging in Gauteng | |
| Koördinate: 25°40′22″S 28°31′15″O / 25.67278°S 28.52083°O 28°31′15″O / 25.67278°S 28.52083°O | |
| Land |  Suid-Afrika |
| Provinsie | Gauteng |
| Munisipaliteit | Stad Tshwane |
| Stigting | 1903 |
| Oppervlak | |
| • Totaal | 55,66 km2 (21,49 vk. myl) |
| Hoogte | 1 450 m (4 760 ft) |
| Bevolking (2011) | |
| • Totaal | 8 693 |
| • Digtheid | 156/km2 (400/vk. myl) |
| Rasverdeling (2011) | |
| • Wit mense | 31.7% |
| • Indiërs/Asiërs | 0.5% |
| • Bruin mense | 2.7% |
| • Swart mense | 64.3% |
| • Ander | 0.8% |
| Taal (2011) | |
| • Afrikaans | 48.9% |
| • Noord-Sotho | 15.6% |
| • Engels | 9.2% |
| • Suid-Sotho | 5.9% |
| • Ander | 20.3% |
| Poskode (strate) | 1000 |
| Poskode (posbusse) | 1000 |
| Skakelkode | 012 |
Die dorp is genoem na Sir Thomas Cullinan, wat in 1902 'n diamantpyp hier ontdek het. In die jaar 1903 is die Premiermyn geopen. Op 25 Junie 1905 ontdek Frederick Wells, 'n bestuurder van die Premiermyn-maatskappy, die beroemde Cullinan-diamant, die grootste ter wêreld met 'n massa van 3 106 karaat of 621,2 gram. Dit is deur die Transvaalse regering gekoop en aan die Britse koning Edward VII geskenk.
Cullinan se omgewing spog met 'n aantal rustige vakansieoorde soos Little Eden en Boekenhoutkloof. Die R513-streeksroete gaan deur die dorp.
Besienswaardighede
- Die voormalige huis van die Premiermyn se eerste hoofbestuurder, William McHardy, huisves die McHardy-museum. Die museum is in die jaar 1988 oopgestel vir besoekers en spog met 'n kenmerkende ventilasietoring op sy dak en 'n outentieke Victoriaanse tuin.
- Die Anglikaanse kerk St. George met sy opvallende klipboustyl is deur die argitek sir Herbert Baker ontwerp.
- Die kliphuise in Cullinan se hoofstraat Oaklaan ontstaan in die jaar 1904. Die laan bekoor met die historiese Nedbankgebou van sandsteen, tipiese sinkgeboue en pragtige jakarandabome.
Sien ook
Verwysings
Eksterne skakels
- Wiki Afrikaans
Wiki Commons het meer media in die kategorie Cullinan.
This article uses material from the Wikipedia Afrikaans article Cullinan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.