Cookeilande

Dit is 'n selfregerende eilandstaat in vrye assosiasie met Nieu-Seeland en word deur 55 lande erken. Die eilande is na James Cook genoem, maar hulle oorweeg tans 'n naamsverandering om die Polinesiese erfenis te weerspieël.

Cookeilande
Cook Islands (Engels)
Kūki 'Āirani (Cookeilandse Māori)

Vlag Wapen
Nasionale leuse: Te Atua Mou E (Cookeilandse Māori vir: "God is die waarheid")
Volkslied: Te Atua Mou E (Cookeilandse Māori vir: "God is die waarheid")
Hoofstad	Avarua 21°12′S 159°46′W / 21.200°S 159.767°W / -21.200; -159.767
Grootste stad	Avarua
Amptelike tale	Engels en Cookeilandse Māori
Regering • Monarg • Goewerneur-generaal • Eerste Minister	Unitêre parlementêre grondwetlike monargie Charles III Sir Tom Marsters Mark Brown
Onafhanklikheid Geassosieerde staat • Selfregering in vrye assosiasie met Nieu-Seeland • VN-erkenning van onafhanklikheid in buitelandse betrekkinge	Koninkryk van Nieu-Seeland 4 Augustus 1965 1992
Oppervlakte  - Totaal    - Water (%)	236,7 km2  (210de) 91,4 myl2 feitlik niks
Bevolking  - 2018-skatting  - 2016-sensus  - Digtheid	17 518 (213de) 17 459 42 / km2 (138ste) 108,8 / myl2
BBP (nominaal)  - Totaal  - Per capita	2020-skatting $384 miljoen $21 994
Geldeenheid	Nieu-Seelandse dollar Cookeilandse dollar (NZD/CKD)
Tydsone  - Somertyd	CKT (UTC-10) nie toegepas nie (UTC-10)
Internet-TLD	.ck
Skakelkode	+682

Die 15 klein eilandjies beslaan 'n totale oppervlakte van 236,7 vierkante kilometer en het 'n bevolking van 17 518 in 2018 gehad. Die Cookeilande is in die weste van Frans-Polinesië, in die suide van Kiribati, in die ooste van Tokelau, Amerikaans-Samoa, Niue en Tonga en in die noordooste van Nieu-Seeland geleë. Die gebied se hoofstad en grootste stad Avarua is op die grootste eiland, Rarotonga, geleë.

 

Die Cookeilande bestaan uit 15 eilande:

Internasionale erkenning

 

Die volgende lande het formele diplomatieke betrekkinge met die Cookeilande gevestig.

 

Rugby League is die gewildste sportsoort op die Cookeilande en word as nasionale sport beskou. Rugby, sokker en die vroue se netbal is ook gewild.

Rugby is deur Nieu-Seelanders na die Cookeilande gebring en was, soos op die meeste eilandstate van die Stille Oseaan, vanaf die begin van die 20ste eeu die gewildste sportsoort op die Cookeilande. Die nasionale span spel egter net teen "kleiner" nasionale spanne en het tot dusver nog nie vir 'n rugbywêreldbekertoernooi gekwalifiseer nie.

Rugby League het rugby as gewildste sportsoort oorvleuel en word as die eilandstaat se nasionale sport beskou. Die nasionale span het tot dusver aan drie rugbyleaguewêreldbekertoernooie deelgeneem (in 2000, 2013 en 2021).

Sokker word op die Cookeilande ook beoefen en die nasionale span kom veral teen ander kleiner eilandstate van die Stille Oseaan te staan. Hulle het nog nie vir 'n Sokker-Wêreldbeker gekwalifiseer nie. Hulle het aan twee Oseanië-sokkerkampioenskappe deelgeneem (in 1998 en 2000).

Soos in ander lande van die Britse Statebond is netbal gewild en die nasionale span het aan ses netbalwêreldbekertoernooie deelgeneem. Tydens die Pasifiese spele het hulle twee goue medaljes (in 1966 en 1991) ingepalm en tydens die Mini-Pasifiese spele vyf goue medaljes (in 1981, 1985, 1989, 1993 en 1997).

Soos in ander Pasifiese eilandstate word op die Cookeilande 'n tradisionele plaaslike soort krieket beoefen.

•  
  'n Strand op Rarotonga.
•  
  'n Foto vanaf Aituaki geneem.

Algemeen

• (en) "Cook Islands". Encyclopædia Britannica. Besoek op 21 September 2022.
• (en) "Cook Islands". Central Intelligence Agency. Besoek op 21 September 2022.

• (en) Toerisme-inligting oor Cookeilande op Wikivoyage
• (en) Amptelike webwerf van die Cookeilandse regering

	Koninkryk van Nieu-Seeland (Realm of New Zealand)
Cookeilande • Nieu-Seeland • Niue • Ross-Afhanklikheid • Tokelau