Clanwilliam-Saagvin
Die Clanwilliam-saagvin (Barbus serra) is 'n varswatervis wat voorkom in die Olifantsrivier.
In Engels staan dit bekend as die Clanwilliam sawfin.
| Clanwilliam-saagvin | |
|---|---|
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | |
| Spesie: | B. serra |
| Binomiale naam | |
| Barbus serra (Peters), 1864 | |
Voorkoms
Die onvolwasse visse is silwerkleurig met onreëlmatige swart kolle op. Die volwasse visse is diep olyfgroen en ligroomkleurig aan die onderkant. Daar is twee pare baarde om die bek, die snoet is lank en gepunt en die bek is klein. By broeiende visse (beide geslagte) is daar klein tuberkels op die kop. Die dorsale vin is benerig en getand. Die vis word tot 500 mm lank en die Suid-Afrikaanse hengelrekord is 3.04 kg.
Verspreiding
Die vis is endemies aan die Olifantsrivier.
Habitat
Hulle verkies diep poele en die hoofstrome om in te leef. Die jonger vissies verkies om in kleiner sytakke te leef. Hulle broei in die somer; hulle kom in groot groepe saam in diep poele onder watervalle en stroomversnellings. Die vis vreet insekte en ander ongewerweldes asook alge en detritus vanaf die bodem.
Bewaringstatus
Die vis is bedreigd en die populasie het afgeneem sedert baars losgelaat is in die Olifantsrivier. Die bou van groot damme en toenemende beskadiging van hul habitat het ook 'n negatiewe impak op die populasie.
Sien ook
Bron
- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1
Eksterne skakel
This article uses material from the Wikipedia Afrikaans article Clanwilliam-saagvin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.