Chrome Os: Linux-gebaseerde bedryfstelsel wat deur Google ontwikkel is
Chrome OS, ook Google Chrome OS of Google Operating System (kort Google OS) genoem, is 'n bedryfstelsel wat deur die Amerikaanse onderneming Google LLC ontwerp en op 15 Junie 2011 vrygestel is.
Chrome OS het oorspronklik op suiwer webtoepassings gefokus. Terwyl gebruikers steeds die meeste voordeel uit die bedryfstelsel trek as hul rekenaars aan die internet gekoppel is, is daar intussen ook toepassings wat geen internetverbinding meer vereis nie. 'n Google-rekening bied toegang tot 'n verskeidenheid dienste wat aanlyn verskaf word. Omdat Chrome OS se looptydstelsel op Native Client baseer, is dit ook geskik vir Android-toepassings. 'n Lys met Chrome OS-rekenaars, waarop Android-toepassings uit die Google Play-aanlynwinkel gelaai kan word, word deur Google aanlyn beskikbaar gestel. Linux-toepassings loop in 'n virtuele masjien.
| Linux | ||
.svg){kind=logo} | ||
| Ontwikkelaar | ||
|---|---|---|
| Google LLC | ||
| Webblad | google.com/chromebook/ | |
| Vrystellings | ||
| Aanvanklike vrystelling | 15 Junie 2011 | |
| Huidige weergawe | 81.0.4044.141 (8 Mei 2020) | |
| Voorskouweergawe | 83.0.4103.50 (13 Mei 2020) | |
| Lisensie | Kommersiële sagteware | |
| Kerntipe | Monolities (Linux) | |
| Opdateermetode | Deurlopende opdatering | |
| Platforms wat ondersteun word | Chromeboeke, Chromeboxes, Chromebits, Chromebases | |
| Ondersteuningstatus | ||
| Verdere leesstof | ||
.jpg)
Chrome OS baseer op die oopbronbedryfstelsel Chromium OS wat eweneens deur Google LLC ontwikkel is. As Chromium OS se kommersiële variant word dit deur die vervaardigers van hardeware as 'n alternatief tot Windows 10 en macOS op skoot- en enkele tabletrekenaars geïnstalleer. Chrome OS is daarnaas 'n opsie vir gebruikers van ouer Apple-rekenaars wat om tegniese redes (soos byvoorbeeld verouderde fermatuur) nie meer met die nuutste macOS-bedryfstelsels opgedateer kan word nie.
Verwysings
Eksterne skakels
- Wiki Afrikaans
Wiki Commons het meer media in die kategorie Chrome OS.
This article uses material from the Wikipedia Afrikaans article Chrome OS, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.