Driebandstrandkiewiet
Die Driebandstrandkiewiet (Charadrius tricollaris) is 'n algemene standvoël in Oos- en suidelike Afrika, en subspesie is tot Madagaskar beperk.
Hierdie waadvoël word wydverspreid oor suider-Afrika aangetref waar hul streekbevolking op sowat 25 000 individue geskat word. Hulle vreet insekte, wurms en ander ongewerweldes op die oewers en in die vlak waters van spruite, riviere, panne en damme.
| Driebandstrandkiewiet | |
|---|---|
 | |
| Enkeling in die Rufidjirivier, Tanzanië | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | C. tricollaris |
| Binomiale naam | |
| Charadrius tricollaris Vieillot, 1818 | |
Beskrywing
Die geslagte lyk eenders en het albei duidelike swart bande oor die bors. Hulle het kenmerkend rooi orbitale ringe en 'n rosige snawelbasis, soos dié van die kroonkiewiet, wat egter groter is en nie tot die waterrand beperk is nie. Hulle het 'n lang stert en opvallend lang vlerke (die vlerkspan is 46 cm) met 'n wit vlerkband wat in vlug opmerklik is. Die voëls word 18 cm groot en weeg 28 - 45 gram. Hulle uiter 'n skerp whiet-whiét roep.
In Engels staan die spesie bekend as die Three-banded plover.
_female_on_nest_(11927139456).jpg)
_right_in_the_middle_of_the_S59_Road_(11926451373).jpg)
Sien ook
Bron
- Sasol Voëls van Suider-Afrika. Struik Nature. Vierde uitgawe 2011. ISBN 978-1-77007-926-7
Verwysings
This article uses material from the Wikipedia Afrikaans article Driebandstrandkiewiet, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.