Die Chao Phraya (Thai: แม่น้ำเจ้าพระยา Maenam Chao Phraya, of ) is die hoofrivier van Thailand en met 'n lengte van 372 km ook die tweede langste rivier van dié land ná die Mekongrivier.
Die Chao Phraya se lae spoelgrondvlaktes oorheers die sentrale gedeeltes van Thailand. Die stroomgebied van die Chao Phraya word vir intensiewe rysboerdery gebruik. Daarbenewens is die rivier 'n belangrike vervoerpad.
Chao Phraya | |
---|---|
Die Chao Phraya se oorsprong in Nakhon Sawan, Thailand | |
Die stroomgebied van die Chao Phraya | |
Oorsprong | Saamvloei van Ping- en Nan-riviere Pak Nam Pho, Nakhon Sawan-provinsie, Thailand |
Monding | net suid van Bangkok, Thailand Golf van Thailand |
Stroomgebied | Thailand |
Lengte | 372 km (231 myl) |
Oorspronghoogte | 25 m (82 voet) |
Mondinghoogte | 0 m (0 voet) |
Gemiddelde afloop | 718 m³/s (25 400 vt/s³) |
Stroomgebiedopp. | 160 8400 km² (61 900 myl²) |
Die Chao Phraya ontstaan deur die saamvloei van die Ping- en Nan-riviere naby Pak Nam Pho in die Nakhon Sawan-provinsie van Thailand. Aansluitend vloei die rivier vir 372 km in 'n suidelike rigting deur die sentrale vlaktes van Thailand en bereik Bangkok. Net suid van Thailand se hoofstad mond die Chao Phraya in die Golf van Thailand uit. Die Chao Phraya word soms as grens tussen die Indo-Chinese en die Maleise Skiereiland beskou.
This article uses material from the Wikipedia Afrikaans article Chao Phraya, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.