Chad Le Clos
Chad Guy Bertrand le Clos OIS (* 12 April 1992 in Durban) is 'n Suid-Afrikaanse swemmer.
Hy is tans die Statebondspele-kampioen en -rekordhouer in die 200 meter-vlinderslag.
Chad le Clos | |
|---|---|
 Chad le Clos in 2013 | |
| Gebore | Chad Guy Bertrand le Clos 12 April 1992 Durban, Suid-Afrika |
| Nasionaliteit |  Suid-Afrika |
| Beroep | Swemmer |
| Medaljes gewen | ||
|---|---|---|
Swem – mans  | ||
| Deelnemer vir Suid-Afrika | ||
| Olimpiese Spele | ||
| Goud | 2012, Londen | 200 m-vlinderslag |
| Silwer | 2016, Rio de Janeiro | 200 m-vryslag |
| Silwer | 2016, Rio de Janeiro | 100 m-vlinderslag |
| Statebondspele | ||
| Goud | 2010, Delhi | 200 m-vlinderslag |
| Goud | 2010, Delhi | 400 m-individuele medley |
Biografie
Le Clos swem al van jongs af en het op die ouderdom van 10 aan kompetisies begin deelneem. In 2010 matrikuleer hy aan die Westville Boys' High School in Durban. Hy ontvang die Daily News Spar Sports se "persoon van die jaar"-toekenning in sy matriekjaar, waartydens die top sportiewe skoliere vereer word.
Hy maak sy internasionale debuut by die Swemwêreldkampioenskap van 2009 in Rome. Hier behaal hy die 17de plek in die 200 meter-vlinderslag en 16de plek in die 400 meter-wisselslag.
In 2010 wen hy vyf medaljes tydens die Jeugsomerolimpiade in Singapoer, waaronder goud in die 200 meter-wisselslag.
Tydens die 2011 Swem Wêreldkampioenskap in Sjanghai eindig Le Clos in die vyfde plek in die 200 meter-vlinderslag, in die 100 meter-vlinderslag word hy tydens die halfeindronde uitgeskakel.
Le Clos wen 'n goue medalje in 200 meter-vlinderslag tydens die Olimpiese Somerspele van 2012 met 'n tyd van 1:52,96 sekondes. Michael Phelps van die VSA moes met 'n tweede plek tevrede wees. Daarna onttrek hy van die 200 meter-indiwiduele wisselslag om op die 100 meter-vlinderslag te konsentreer. Le Clos en Evgeny Korotyshkin van Rusland eindig beide tweede in die finaal (silwermedalje) met 'n tyd van 51,44 sekondes terwyl Phelps met die gouemedalje wegstap.
Tydens die Olimpiese Somerspele 2016 in Rio de Janeiro wen Le Clos 'n silwermedalje in 200 meter-vrystyl, agter China se Sun Yang met 'n tyd van 1:45.20, en stel 'n nuwe rekord vir beide Afrika en Suid-Afrika op. In 200 meter-vlinderslag, waar hy die verdedigende kampioen was, eindig hy op die vierde plek. Le Clos wen 'n tweede silwermedalje in 100 meter-vlinderslag in 'n drie-baan-gelykop met die mededingers Michael Phelps en László Cseh, agter Joseph Schooling.
Le Clos het gekwalifiseer vir die Olimpiese Somerspele 2020 en was saam met Phumelela Mbande die draer van die Suid-Afrikaanse vlag tydens die openingseremonie.
2014 FINA Kortbadwêreldbyeenkoms
Op 1 Desember 2014 is hy deur FINA aangewys as die "Swemmer van die jaar". Op 4 Desember 2014 stel hy 'n nuwe wêreldrekord op in die 100 meter-vlinderslag in 'n tyd van 48,44 sekondes tydens die kortbadwêreldbyeenkoms in Doha. Hy wen altesaam vier goue medaljes tydens die byeenkoms, onder andere die 50 m-, 100 m- en 200 m-vlinderslagtitels – die eerste persoon ooit.
Verwysings
Eksterne skakels
- Wiki Afrikaans
Wiki Commons het meer media in die kategorie Chad le Clos.
| Voorafgegaan deur Connor Wilson | Vlagdraer vir Suid-Afrika Tokio 2020 saam met Phumelela Mbande | Opgevolg deur ? |
This article uses material from the Wikipedia Afrikaans article Chad le Clos, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.