Carisbrook
Carisbrook was 'n sportstadion in Dunedin, Nieu-Seeland.
Dit was die stad se plaaslike en internasionale rugbystadion, maar is ook al gebruik vir ander sportsoorte soos krieket, sokker, Rugby League en motocross. Carisbrook was het ook al 'n konsert van Joe Cocker aangebied asook voorwedstrydkonserte in die 1990's. In 2011 het Carisbrook sy deure gesluit om plek te maak vir die Forsyth Barrstadion by die Universiteitsplaza in Noord-Dunedin.
| Carisbrook | ||
 | ||
'n Uitsig oor Carisbrook | ||
| Bynaam | House of Pain | |
|---|---|---|
| Ligging | Dunedin, Nieu-Seeland | |
| Koördinate | 45°53′37″S 170°29′26″O / 45.89361°S 170.49056°O | |
| Eienaar | Carisbrook Stadionmaatskappy | |
| Operateur | Carisbrook Stadionmaatskappy | |
| Kapasiteit | 29 000 | |
| Oppervlak | Gras | |
| Konstruksie | ||
| Eerste sooi gespit | 1881 | |
| Geopen | 1883 | |
| Gesluit | 2011 | |
| Gesloop | 2013 | |
| Huurders | ||
| Highlanders (1996–2011) | ||
Die stadion het sedert die 1990's dag- en aandwedstryde aangebied. Dit staan plaaslik bekend as Die Brook en wêreldwyd soms as die House of Pain weens die feit dat rugbytoerspanne gesukkel het om oorwinnings te behaal in die stadion. Carisbrook is tydens die Rugbywêreldbeker 1987 en die Krieketwêreldbeker 1992 ingespan.
Die stadion is geleë in die Caversham-voorstad aan die voet van die Glen, 'n steil vallei, en lê tussen die Suid-Eiland hoofspoorlyn en Hillside Ingenieurswerke. Die stadsentrum is ongeveer 3 kilometer noordoos van die stadion en die Staatsnelweg 1 loop naby die noordelike grens van die stadion verby.
Carisbrook is genoem na die landgoed van 'n vroeë koloniale setlaar, James Macandrew (die landgoed is vernoem na 'n kasteel in die Eiland Wight). Die stadion is ontwikkel gedurende die 1870's en is die eerste keer gebruik vir 'n internasionale krieketwedstryd in 1883 toe Otago teen 'n span van Tasmanië gespeel het. Vanaf 1908 is internasionale rugbywedstryde op die stadion gespeel en vanaf 1955 is krieket op 'n meer gereelde basis gespeel.
Die stadion was die tuisveld van die Highlanders in die Super 14 en Otago in die Air New Zealand-beker wat na Forsyth Barr-stadion verhuis het. Dit was vroeër ook die tuisveld van Otagokrieket (wat na die Universiteitsovaal te Loganpark verhuis het in die vroeë 2000's) en die Otago sokkerspan in die Nieu-Seelandse Sokkerkampioenskap (wat in die 2008-'09-seisoen na Sunnyvalepark verhuis het).
Wedstryde
Rugbywêreldbeker 1987
- Die hoofartikel vir hierdie afdeling is: Rugbywêreldbeker 1987.
| Datum | Span 1 | Telling | Span 2 | Rondte | Toeskouers |
|---|---|---|---|---|---|
| 30 Mei 1987 |  Kanada | 19–46 |  Ierland | Groep B | 9 000 |
| 31 Mei 1987 |  Fidji | 15–18 |  Italië | Groep C | 13 000 |
| 2 Junie 1987 |  Roemenië | 28–55 |  Skotland | Groep D | 14 000 |
Krieketwêreldbeker 1992
- Die hoofartikel vir hierdie afdeling is: Krieketwêreldbeker 1992.
t | ||
Sachin Tendulkar 84 (107) Chris Harris 3/55 (9 boulbeurte) | Mark Greatbatch 73 (77) Manoj Prabhakar 3/46 (10 boulbeurte) |
- Nieu-Seeland het die loot gewen en verkies om veldwerk te doen.
Verwysings
Eksterne skakels
- Wiki Afrikaans
Wiki Commons het meer media in die kategorie Carisbrook.
This article uses material from the Wikipedia Afrikaans article Carisbrook, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.