Kaap Roca (Portugees: Cabo da Roca) is die mees westelike punt van die Portugese vasteland.
In die Romeinse tydperk het dit as Promontorium Magnum bekend gestaan.
Cabo da Roca lê in die distrik Lissabon (Portugees: Lisboa), sowat 40 kilometer wes van die hoofstad Lissabon en 18 kilometer wes van Sintra, in die natuurpark Serra de Sintra. Sy koördinate, 38° 47' Noord, 9° 30' Wes, is in die steenplaat van sy monument ingegraveer. Die kaap se rotswand verrys sowat 140 bo die seevlak van die Atlantiese Oseaan. Op sy spits is 'n vuurtoring opgerig. Die kaap is 'n gewilde toeristebestemming.
Die digter Luís de Camões het Cabo da Roca as die plek beskryf "waar die land eindig en die see begin" (Portugees: "Onde a terra acaba e o mar começa"). Vergelykbare geografiese punte is Kaap Finisterre (letterlik "die land se einde") in Spanje, Finistère in Frankryk, en Land's End in die Verenigde Koninkryk.
This article uses material from the Wikipedia Afrikaans article Kaap Roca, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.